Биес хорт бодисыг гадагшлуулах нууц сүүн мацаг
news-image

Эрүүл амьдрахыг хүн бүр л хүсдэг. Заавал өвчилснийхөө дараа эмнэлэг гэлгүйгээр биеэ эрүүлжүүлэх аргууд бий. Жишээ нь мацаг. Эртний энэтхэг, түвд, монголчууд мацаг барихыг биеэ эрүүлжүүлэх шилдэг арга гэж үзсээр ирсэн нь учиртай. Тогтмол мацаг барих нь дотоод биеийн цэвэрлэгээ, хоол хүнсний зогсолтгүй эргэлтийг зогсоож, хүний биед хуримтлагдсан олон хорт бодис, илүүдэл хаягдлыг биеэс цэвэрлэж бодисуудыг задралд хүргэж гаргадаг. Ингэснээр таны оюун санаа ч эрүүлждэг. Мэдээж элдэв өвчнөөс сэргийлэх сайн талтай.

Мацаг барих нь 22-55 насныханд илүү тохиромжтой. Элэг, цөсний өөрчлөлттэй, зүрх судасны өвчтэй хүмүүст илүү үр дүнтэй байдаг. Та хагас мацаг барихаар шийдсэн бол хоол идэлгүй зөвхөн шингэн зүйлийг л уух хэрэгтэй. Энэ нь бүтэн 24 цаг үргэлжилж үр дүнд хүрнэ. Ганц хоёрхон удаагийн мацаг барилтаар өөрийгөө эрүүлжүүлсэн гэж ойлгож болохгүй. 7-10 хоногт тогтмол нэг удаа хийж байж жинхэнэ үр дүнд хүрнэ. Харин мацаг барилт дууссаны дараа хүнд хэлбэрийн хоолноос татгалзаж бие организмаа хооллолтод аажмаар дасгаарай. Ингээд та бүхэндээ сүүн мацгийг хэрхэн барих талаар танилцуулж байна.

Сүүгээр мацаг барихын тулд долоо хоногийн нэг өдрийг сонго. Сонгосон өдрийнхөө 13.00 цаг хүртэл юу ч идэж болно. Харин 13.00 цагаас хойш ганцхан сүү л ууна. Өлссөн ч, цангасан ч сүү л ууна гэсэн үг. Гэхдээ их хэмжээгээр биш. Өл, цангаа тайлах маягаар л уух хэрэгтэй. Маргааш өглөө нь мацгаа тайлах учиртай. Өглөө сэрэнгүүтээ усанд орж, нэг аяга лимон, зөгийн балтай ус ууна. Ус ууснаасаа цагийн дараа ногоон өнгийн байцаа, яншуй гэх мэтийн ногоогоор салат хийж ид. Гэхдээ салат чинь ямар ч амтлагчгүй байх ёстой.

Тэгээд өдрийн 13.00 цаг хүртэл дахиад л сүүгээ ууна. Ингээд 24 цагийн турш үргэлжилсэн мацаг чинь тайлагдана. Сүү бол биеийн хорыг гадагшлуулдаг гайхалтай бүтээгдэхүүн. Энэ мацгийг дорж хаяж тасралтгүй гурван cap барих хэрэгтэй. Биеийн хор чинь гадагшилж, жингийн илүүдэлтэй хүмүүс жингээ хаях боломжтой. Мацгаа арай хүндрүүлье гэвэл сүүний оронд ногоон цай юм уу, усыг сонгож болно.

Жавхлан Баясгалан- Хос орчлон
Shine uy - Hosuudiin bayar tsoo shine hoshin shog 2016
Хуурайшиж хөгширсөн арьсны шидэт маск
news-image

Хаврын улиралд арьс хуурайшихаас гадна салхины нөлөөнөөс болж үрчлээ үүсэх нь бий. Тиймдээ ч та бүхэндээ хуурайшиж хөгшрөлтөөс сэргийлэх маскыг танилцуулж байна.

Төмсийг хальстай нь чанана. Дараа нь хальсыг нь цэвэрлээд нухаад, дээр нь 1-2 хоолны халбага халуун сүү, 1 өндөгний доторх шарыг нэмнэ. Сайтар хутгасан төмсний нухашыг нүүр хүзүүний арьсан дээр тарааж түрхээд дээрээс нь халааж бэлдсэн гар нүүрний арлчуураар бүтээнэ.

20 Минут болгосоны дараа нүүрээ эхлээд бүлээн дараа нь хүйтэн усаар угаадаг. Энэ бигнүүр бүх төрлийн арьсанд сайн тэгэхдээ хуурайшсан хөгширсөн арьсанд хэрэглэвэл илүү сайн.

Энэ маск нь арьсыг тань сэргээж тэжээж толигор болгохоос гадна чанга торгомсог болгодог.

Өсвөр насны охинтой ээж бүр заавал уншаарай
Эмэгтэй хүний хамгийн чухал үе бол яах аргагүй өсвөр нас байдаг. Тиймдээ ч яг л тэр насан дээр нь сайн ярилцаж , бүхнийг ойлгуулж илэн далангүй байх ёстой. Гэхдээ тэр бүр ээжүүд мэдээд байдаггүй нь харамсалтай юм. таны хажууд өсөн торниж яваа охин чинь таниас юу хүсдэг гэдгийг мэдэх үү?

1. Та бол охиныхоо багш байх хэрэгтэй.

Ирээдүйд амьдралаа авч явах хамгийн чухал зүйл бол яах аргагүй мэргэжил. Тиймээс та л охинтойгоо ярилцахгүй юм бол өөр хэн ч ярилцахгүй шүү дээ. Гэхдээ та ийм мэргэжил сонго гэж хэзээ ч тулгаж болохгүй. Өөрийнх нь бодлыг хүсэл мөрөөдлийг сонсох ёстой. Та зөвхөн багш хүний үүргийг гүйцэтгэх ёстой. Ямар вэ гэвэл зөвхөн чиглүүлэх. Энэ мэргэжил ийм зүйлсийг хийдэг , ийм зүйлсийг мэддэг байх шаардлагатай гэх мэт. Хэрвээ та өөрөө мэдэхгүй байвал охиныхоо ирээдүйн төлөө мэдээллүүдийг цуглуулах хэрэгтэй.

2. Та сайн сонсогч байх хэрэгтэй.

Хамгийн ихээр хүнтэй ярилцахыг хүсдэг үе. Юуны ч тухай хамаагүй ядаж ганцхан цаг сонсогч байгаад үзээрэй. Эхний өдөр таниас ичиж , юм ярихгүй байж магадгүй. Дараа дараагийн өдрүүдээс эхлэн тантай нээлттэй харьцдаг болно. Хамгийн чухал анхаарах зүйл нь охин чинь юуны ч талаар ярьсан хамаагүй хүндэтгэн сонсоод хэрэгтэй зүйлсийг нь хэлж өгөөрэй.

3. Та охиныхоо хувьд эмэгтэйчүүдийн эмч байх хэрэгтэй.

Яагаад охиноосоо +18н талаар нуух ёстой гэж? Мэдээлэл дутуугаас болж үр хөндөлт , хүсээгүй жирэмслэлт үүсдэг гэдгийг бид бүгд мэддэг. Гэхдээ энэхүү зүйлсийн талаар мэдээллийг өгдөг ээж аав маш ховор. Та өнөөдрийг хүртэл охиныгоо нялх хэвээр нь хардаг байх. Гэхдээ аль хэдийнээ эмэгтэй хүн болчихсон явж байгаа ч юм бил үү? Бэлгийн харилцааны талаар ХЭЗЭЭ Ч !!! нууж болохгүй. Аль болох нээлттэй ярилц.

4. Та сайн зөвлөгөө өгөгч байх хэрэгтэй.

Хэзээ ч хамаагүй таниас юм асуугаад хажууд чинь суувал завгүй байна гээд явуулж болохгүй. Зориг гарган таны хажууд ирсэн ч юм бил үү? Хамгийн чухал зүйлээ ярих гэж байсан ч юм бил үү? Таны охин сэтгэлдээ шаналалтай таниас нууцаар уйлан сууж байгаа юм биш байгаа? Хэрэгтэй зөвлөгөөнүүдийг цаг тухайд нь өгөх хэрэгтэй шүү.

5. Та хамгийн сайн ээж байх хэрэгтэй.

Та охиныгоо хамгийн сүүлд хэзээ үнссэн бэ? Хамгийн сүүлд ээж нь охиндоо хайртай шүү гэж хэзээ хэлсэн бэ? Хүүхэд гэдэг эцэг эхийн тусгал байдаг. Та ямар үйлдэл гаргана яг л таныг дуурайдаг. Хүүхдийнхээ хажууд хэзээ ч битгий хараалын үг хэрэглэ. Хэзээ ч битгий хүнийг муулж ярь. Бүх зүйлийн учрыг тайлбарлан ойлгуул. Хайртай хөвгүүнээс нь яагаад салсан талаар сонирх , ямар хүүхдүүдтэй найзалж байгааг нь асуу. Ямар хөвгүүн таалагддаг талаар нь ярилц. Битгий буруутга , битгий зэмлэ , хэнтэй ч битгий харьцуул. Та ч гэсэн өсвөр насыг  туулж гарсан. Бүгд л алддаг. Хамгийн гол нь та алдааг нь засан ойлгуулах хэрэгтэй шүү.

                                                  Охиндоо заавал цаг гаргаарай.  

С Жавхлан, Т Баясгалан - Хаврын найраг
Гуяны илүүдэл өөхийг маш түргэн хугацаанд хайлуулах дасгал

Хүний биеийн турахад хамгийн хүндрэлтэй хэсгүүдийн жагсаалтыг "гуяар турах" асуудал тэргүүлдэг гэхэд хилсдэхгүй. Хэрэв та гуя хэсгээрээ хуримтлагдсан илүүдэл өөхөндөө сэтгэл дундуур явдаг бол түргэн хугацаанд өөх хайлуулах эдгээр дасгалуудыг туршаад үзээрэй. 

Хажуу тийш өшиглөлт: 

Хажуу тийш хөлөө өндөр өргөж өшиглөх нь гуяны дотор өөхийг багасгадаг. Нэг талдаа тус дасгалыг 10 удаа давтаарай

Хөлөө урагш нь эгцэлж өргөх дасгал: 

Нэг хөлөө нугалж хажуу талаараа хэвтээд нөгөө хөлөө эгцэлж дээш өргөнө. Энэ нь гуяны булчинг чангаруулахад тустай. Нэг талдаа тус дасгалыг 10 удаа давтаарай

Гуяны ар булчинг хөгжүүлэх дасгал 

Энэ дасгал нь гуянд хуримтлагдсан илүүдэл өөхийг шатааж, гуя өгзөгний булчинг чангаруулдаг. Нэг талдаа тус дасгалыг 12 удаа давтаарай 

Дасгалуудыг хэрхэн хийх талаар дэлгэрэнгүй зааврыг та доорхи бичлэгээс үзнэ үү. 

 <iframe width="560" height="315" src="https://www.youtube.com/embed/_rY2Ox3ZBgI" frameborder="0" allowfullscreen></iframe>

Чамайг зовоодог мөөгөнцөр
Урин дулааны цаг эхлэхэд олон эмэгтэй дотоожны цаана нуугдсан халдваруудтай тэмцэх хэрэгтэй болдог. Учир нь цаг агаарын энэхүү өөрчлөлт нь эмэгтэй хүний бие мах бодийн тэнцвэргүй байдлыг бий болгодгийг бид өөрсдөө ч анзаардаггүй. Гэлээ гээд үүнд санаа зовох хэрэггүй дээ.

Урин дулааны цаг эхлэхэд олон эмэгтэй дотоожны цаана нуугдсан халдваруудтай тэмцэх хэрэгтэй болдог. Учир нь цаг агаарын энэхүү өөрчлөлт нь эмэгтэй хүний бие мах бодийн тэнцвэргүй байдлыг бий болгодгийг бид өөрсдөө ч анзаардаггүй. Гэлээ гээд үүнд санаа зовох хэрэггүй дээ.

Харин ч хаврын эхний өдрүүдэд нандин эрхтэнд “халддаг” мөөгөнцөр мэтийн халдвараас сэргийлэх аргыг сурахад л хангалттай биз дээ. Чамайг тавгүйтүүлж, үргэлж санааг чинь зовоодог өнөөх гайхлуудтай тэмцэх аргыг Монголжингоо нь эмч нарын судалгаанаас үндэслэн хэд хэдэн зүйлийг олж бичихээр шийдлээ.

Эмэгтэй хүн гэдэг гаднаа хэчнээн үзэсгэлэнтэй сайхан байдаг шигээ дотоод эрүүл мэнд ч тийм л байх учиртай. Тиймээс энэ удаад мөөгөнцөр хэмээх халдвараас хэрхэн сэргийлэх талаар мэдээлэл бэлтгэлээ.

Юуны өмнө түүний талаар эхлээд бяцхан танилцуулга хийе. Мөөгөнцөр нь байгалиасаа бидний үтрээнд тодорхой тоо хэмжээтэйгээр оршдог. Харин бидний биед явагдах элдэв өөрчлөлтийн улмаас энэ тоо хэмжээ хэвийнээс хэтрээд эхэлбэл загатнах, хорсгох зэрэг зовиуруудыг учруулдаг байна. Ингэхдээ биеийн эсэргүүцэл сулрах, эстрион даавар хэт өндөрсөх, жирэмслэх зэргийг андахгүй шүү. Мөөгөнцрөөс айх хэрэггүй. Харин тэмцэх аргаа л сайн олох хэрэгтэй.

 

Аль болох байгалийн гаралтай хүнс хэрэглэ

Тийм ээ, интернэт орчин дахь мэдээллүүд ч энэ талаар зөндөө л нийтлэл, мэдээллийг бидэнд өгч байна. Гэхдээ л энэ үнэн шүү. Маш олон судалгаанаас харахад аль болох байгалийн гаралтай бүтээгдэхүүн хэрэглэдэг хүмүүс элдэв халдвараас өөрсдийгөө сэргийлж чаддаг байна.

Жишээ нь, бидний амтархан идэх дуртай тараг гэхэд үтрээг үргэлж эрүүл байхад тустай олон бактерийг агуулсан байдаг аж. Үүгээр ч зогсохгүй нандин эрхтэнийг маань хагаалж байдаг бусад бактерийн өсөлтийг ч дэмждэг гэнэ шүү.

Хэдийгээр өдөр бүр тараг идсэнээр үтрээний элдэв халдвараас бүрэн хамгаалдаг гэсэн шинжлэх ухааны баталгаа байхгүй ч эмэгтэйчүүдэд энэ хэрэглээ нь хэчнээн чухал болохыг ойлгуулахыг зорилоо.

Түүнчлэн сарын тэмдгийн мөчлөгийн хугацаанд тараг идэж заншвал үтрээний орчныг эрүүл байлгахад тустай аж.

Италид хийсэн нэгэн судалгаагаар байгалийн гаралтай бүтээгдэхүүн хэрэглэдэг бүсгүйчүүдийн үтрээний халдвар 5 долоо хоногийн хугацаанд 87 хувиар буурсан байжээ. Ийм дүн гарчихаад байгаа ч одоо хэр нь шинжлэх ухаан таргийг үнэхээр анагаагч мөн эсэхийг баталж чадаагүй л байна.  

 

Жирэмслэлтээс хамгаалах эм сонгохдоо эстрион дааваргүйг нь аваарай  

Эстрион даавар биед ихдэхээрээ олон төрлийн халдварын үндсийг тавьдаг байна. Эмэгтэйчүүдийн эмч нар ч мөөгөнцрийн халдвар авч байсан бүсгүйчүүдэд жирэмслэлтээс хамгаалах арга хэрэглэхдээ энэ даавар бүхий бэлдмэлийг сонгохгүй байхыг зөвлөдөг. Ингэснээр халдвар тарах нөхцлийг бууруулж чадна гэж тэд үзэж байна.

 

Даавуун дотуур өмд өмс

Дотуур өмд сонгохдоо өнгө, загвар, хийц, стил чухал л даа. Гэхдээ хамгийн түрүүнд нандин эрхтэнийхээ эрүүл мэндийг бодож байгаарай.
 

Үүний тулд үгэлж хуурай байдлыг хадгалах, агаар, дулаан сайн хэвтрүүлдэг даавуун дотуур өмд сонгохыг зөвлөж байна. Учир нь үтрээний халдвар чийглэг орчинд үнэхээр “хайртай” байдаг юм шүү. Тийм л газар өсч үржих нөхцлөө болгодог.

Харин даавуун дотуур өмд нь чийг даадаггүй учраас хамгийн эрүүл орчныг бүрдүүлж өгдөг байна. Тэгвэл нийлэг эдээр хийсэн дотуур өмд биед наалдаж, чийглэг орчныг бүрдүүлснээр халдваруудыг урин дууддаг аж.

 

Эмэгтэйчүүдийн элдэв үнэртэн, саван хэрэглэхээс татгалз

Үнэнийг хэлэхэд, эмэгтэйчүүдийн гэх тодотголтой элдэв сайхан үнэртэй үнэртэн, саванд таны үтрээ тийм ч дуртай биш шүү. Сүрчиг болоод элдэв бэлдмэл нь үтрээний орчныг өөрчилж, халдвар тархах таатай нөхцлийг бий болгодог. Салахын аргагүй сайхан үнэртэй саван ч гэсэн таныг дотоожны цаадах халдварт бариад өгч мэдэх юм. Эдгээрийг хэрэглэхгүй л бол болохгүй байгаа биш дээ, ямар. Зүгээр л орхичих. Энгийн байх тусмаа л эрүүл шүү дээ.

 

Үтрээгээ өдөр бүр угаа

Зүгээр л ус шүршээд өнгөрөх гэж байна уу. Үгүй дээ, нандин эрхтэндээ ийм тоомжиргүй хандаж болно гэж үү. Ямар нэгэн нэмэлт элдэв үнэртэн, ариутгадаг гэсэн саван хэрэглэхгүйгээр энгийн хэрнээ нямбалан цаг гаргаж үтрээгээ өдөр бүр угааж байгаарай.

Харин угаахдаа дотуур угаалга хийж огт болохгүй. Гараа сайтар савандаж угаасны дараа гадна талаас нь дээрээс нь доош чиглэсэн байдлаар бүлээн усаар өдөр бүр угааж заншаарай.

Түүнчлэн бассейнд сэлэх, саунд суусныхаа дараа дотуур өмдөө цаг алдалгүй сольж заншаарай. Үгүй бол нөгөө л чийг гэдэг гайхал чинь халдвар дамжуулна шүү.

Мөн гадны жорлонгийн суултуур дээр суухдаа заавал ариун цэврийн цаас дэвсэж байгаарай.

 

Байгалийн эхийн анагаагч эмнүүдээс бүү татгалз

Байгаль эх үргэлж бидний төлөө бүтээж байдаг. Тэр чамайг өөрийгөө хамгаалахад чинь зориулж төрөл бүрийн анагаагч эмүүдийг бүтээсэн юм шүү дээ.

Цэвэр, сайн хадгалсан кокосын тос мөөгөнцөр тэргүүтэй халдваруудыг устгах шидэт бодисыг агуулсан байдгийг чи мэдэх үү. Өдөрт хэдхэн удаа энэ тосыг үтрээгээ тойруулан яг л чийгшүүлэгч шиг түрхэхэд л хангалттай.

Өөр нэг арга байна. Хэдхэн хумс сармис бидэнд хэрэгтэй. Бүх халдвар сармисанд агуулагддаг анагаагч бодисоос нь айдаг юм шүү. Сармисыг идэх, эсвэл хэдэн хумсыг нь няцалж шүүсийг нь гаргаад яг л кокосын тос шиг түрхэж ч болно.

 

Хангалттай унтаж амар

Чиний дархлааны систем бол элдэв халдвартай тэмцэх хамгийн чухал зэвсэг. Харин чи түүнийг хангалттай цэнэглэхгүй бол тэр үүргээ хэрхэн биелүүлэх билээ. Судалгаанаас харахад та шөнийн 8 цагийн турш нэг сэрж, нэг унтаад өглөөг угтлаа гэхэд бие тань хангалттай амралт, нойр авч чадаагүй байдаг аж. Харин та бөх гэгч нь сайн унтаж амарч чадвал энэ нь биеийн жинхэнэ цэнэг болох бөгөөд үтрээний орчны тогтвортой байдалд ч сайнаар нөлөөлдөг байна.

 

Эрүүл хоол хүнс сонго

Бид байгалийн гаралтай хүнс хэрэглэх нь хэчнээн чухал болохыг өмнөх хэсгээс уншсан шүү дээ. Харин одоо ходоодонд маань орж байгаа бүхий л хоол хүнсний талаар ярилцъя.

Ялангуяа, мөөгөнцрийн халдвар чихэрлэг, цавуулаг ихтэй хүнсэнд маш их дуртай. Чи ийм хоол идээд л байвал доор чинь халдвар үржээд л байна гэсэн үг байх нь.

Тиймээс эдгээр хүнснээс аль болох татгалзаж, халдварын эсрэг эмчилгээ хийлгэж байхдаа эмчээсээ ямар хоолны дэглэм барих талаар ч дэлгэрэнгүй, зөвхөн өөртөө тохирохыг нь бичүүлж аваарай.

Дашрамд дурдахад ихэнх халдварын үед согтууруулах төрлийн ундаа, чихэрлэг хүнс, цавуулагтай хүнсний ногоо (төмс, лууван, хүрэн манжин) зэргийг хэсэг хугацаанд хорьдог байна.

Төгсгөлд нь хэлэхэд, үтрээгээ өдөр бүр эрүүл байлгах нь тийм ч хэцүү зүйл биш ээ. Бид амьдралын зөв хэмнэлтэй байхад л хангалттай шүү дээ.

Төмсний нухаш хийх


Төмсний нухаш бол хоёр дугаар хоолны хамгийн гол бөгөөд түгээмэл хэрэглэгддэг хачир шүү дээ. Төмсний нухаш бэлтгэх амархан учраас хүн болгон өөрийн жороор бэлтгэдэг. Гэхдээ амархан гэлтгүй төмсний нухшийг рестораны жороор хийж хэвшиж сураарай.

 

Эх сурвалж: http://www.1000jor.mn/recipes/more/72

Алхам 1

Төмсийг угааж, цэвэрлэн хальслаад 1 цайны халбага давс хийсэн 500мл цэвэр усанд зөөлөн гал дээр 30-40 минут буцалгана. Төмс аяндаа зөөлөрч үйрэх шинжтэй болно.

Алхам 2

Болсон төмсөө уснаас гаргаж няцална. 2-3 чимх давс хийж сайтар холиорой.

Алхам 3

Ингээд төмсөө маш бага хэмээр халаасан хайруулын тавган дээр хийж цөцгийн тос/масло хийж хуурна. Гал зөвхөн бүлээтгэх хэмийн халуун байна. Шарахгүй
Бешамель соус, татсан махтай лазань

Орц:

Вино \хуурай, улаан\                      5 х.х.

Оливын тос                                    2 х.х.

Сонгино                                         1 ш.

Сүү                                               1000 мл.

Гурил                                             50 гр.

Нунтаг хар перец                            1 ц.х.

Давс                                              2 чимх

Элдсэн гурил                                   0,25 багц

Масло \сливочное\                           50 гр.

Лууван                                             1 ш.

Задь \нунтаг\                                    1 ц.х.

Гахайн татсан мах                           500 гр.

Хатуу сыр                                        200 гр.

Паста \томатная\                              2 х.х.

Алхам 1

Бешамель соустай лазань хийх үндсэн бүтээгдэхүүнүүд: гахайн татсан мах, лууван, сонгино, элдсэн гурил, пармезан, вино, сүү, масло, халуун ногоо.

Алхам 2

Эхлээд соусаа бэлдэцгээе. Том хайруулын тавганд 40 гр. масло халаагаад гурилаа нэмнэ.

Алхам 3

Гурилаа 2-3 минут байнга хутган шарна.

Алхам 4

Хагас стакан сүү үлдээгээд бусдыг нь маш сайн халаана. Гэхдээ буцалгаж болохгүй. Мэдээж сүү чинь болсон сүү байх ёстой.

Алхам 5

Хайруулын тавагруугаа бага багаар хийнэ. Ингэхдээ байнга хутгана. Дунд зэргийн гал дээр зуурмагаа холилдоод өтгөртөл нь байлгана.

Алхам 6

Зуурмаг маань ямарч бүхэлгүй, өтгөн байх ёстой. Яг л цөцгий шиг. Дараа нь задиа хийгээд сайн хутгаад галаасаа авна.

Алхам 7

Сонгино луувангаа цэвэрлээд жижиг дөрвөлжин хэрчинэ.

Алхам 8

Том хайруулын тавгандаа үлдсэн масло, оливын тосоо халаана. Тэгээд ногоогоо шаргал болтол нь шарна.

Алхам 9

Дээр нь татсан махаа хийгээд 2-3 минут шарна.

Алхам 10

Дараа нь улаан вино, тал стакан хүйтэн усаар шингэлсэн улаан лоолийн пастагаа хийгээд сайн давсалж, перец цацаж өгнө.

Алхам 11

Тагийг нь тавиад зөөлөн галаар 30-40 минут чанана. Ингэхдээ ойролцоогоор 15 минутын дараа үлдээсэн сүүгээ хийгээрэй.

Алхам 12

Сырээ том үрэгчээр үрнэ.

Алхам 13

Галд тэсвэртэй савныхаа ёроолд элдсэн гурилаа дэвсэнэ. Доор нь зориулалтын тугалган цаас дэвсэж болно.

Алхам 14

Дараа нь сая хийсэн махаа тавина.

Алхам 15

Махан дээрээ хэдэн хоолны халбага соус хийнэ.

Алхам 16

Сырээ ахиухан тавина.

Алхам 17

Дахиад элдсэн гурилаараа бүтээж өгнө. Дахин 14,15,16-р алхамуудыг давтана. Хэрэв сав маань 15х20 см хэмжээтэй бол хавчуурга нь 2 давхар, гурил нь 3 давхар болно.

Алхам 18

Хамгийн дээд талын гурилыг соусаараа бүрээд сырээ маш сайн тавьж өгнө.
Толигор зөөлөн арьсны нууц Венец маск

 

news-image

Хаврын улирлын хуурайшилтаас сэргийлж толигор зөөлөн арьстай болгох Венец маскыг хэрхэн бэлдэх аргыг та бүхэндээ танилцуулж байна.

Венец маск бэлдэхийн тулд эхлээд 1 хоолны халбага крахмалыг 100 мл хүйтэн усанд найруулж, дээр нь мөн ийм хэмжээний час халуун ус нэмнэ. Ингээд өтгөртөл чанаад гал дээрээс аваарай.

Одоо дээр нь 5 хоолны халбага луувангийн шинэ шүүс, 1 хоолны халбага цөцгий хийж хутгана. Энэ бүхнээ сайтар хольсны дараа нүүр, хүзүүгээ цэвэрлээд түрхээрэй. 25 минутын дараа бүлээн усаар зайлах хэрэгтэй.

Венец маскийг 7 хоногт 2-3 удаа хэрэглэж болно. Хэрэв та чухал хүлээн авалт, үдэшлэг дээр сайхан харагдахыг хүсвэл энэ маскийг 3 хоног дараалан тавиарай. Нүүр, хүзүүний үрчлээ тэнийж, арьс тань толийн чангарч, сайхан гэрэлтэх болно.

Хаврын улиралд нүүрээ хэрхэн арчилах вэ?

Хаврын улирал болохоор  бидний арьс хуурайшиж эхэлдэг. Тиймээс энэ улиралд нүүрний арьсанд хамгийн их арчилгаа шаардагддаг. Бид арьсанд тослог дутагдахаар хуурайшдаг гэдэг ядруу ойлголттой байдгаасаа нүүрээ хуурайшиж холцруутаж эхлэнгүүт элдэв тос түрхэж эхэлдэг. Харин арьс хуурайшна гэдэг түүнд ус, чийг дутагдснаас үүдэлтэй бөгөөд энэ нь арьс унжийж сулрах, үрчлээ үүсэх зэргээр илэрдэг.


           Нүүрний арьсыг гадны хүчин зүйлийн нөлөөний цочролоос хамгаалах нь арьсанд шаардлагатай шим тэжээлийг өгөхөөс дутуугүй чухал юм.


Нүүрний арьсыг зөв угаах нь арьсыг гүн цэвэрлэн, булчинг нь чангаруулж, чийрэгжүүлснээр /тэсвэртэй болгож/ бодисын солилцоог сайжруулдаг. Мөн ямар ч нөхцөлд, ямар ч төрлийн арьстай байсан нүүрээ хүйтэн усаар савандаж угаахгүй байхыг зөвлөж байна. Нүүрээ байнга хатуулаг ихтэй хүйтэн усаар савандаж угаах нь арьсыг тослоггүй болгож хуурайшуулдаг. Ялангуяа гадаа цаг агаар хүйтэн, салхитай байх үед ийнхүү угааж гарах нь хор нөлөөтэй.


Хэвийн арьстай бол та өглөө халуун бүлээн усаар хөнгөхөн шавшиж дараа нь цэв хүйтэн усаар /гэхдээ мөстэй биш/ шавш. Тослог арьстай хүмүүст өдөрт нэг удаа ялангуяа орой нүүрээ савантай бүлээн усаар угаахыг зөвлөж байна. Харин тослог арьсыг арчлахдаа тусгайлан өвсний хандтай усыг хэсэглэн хөлдөөж, бэлтгэсэн мөсөөр арчих нь зүйтэй. Гэхдээ энэ онцгой арчилгаа нь унжиж хавагнасан арьсанд илүү тохиромжтой. Харин хуурай арьстай хүмүүс 7 хоногт 1 удаа ингэж угаахад гэмгүй. Бүлээн сүүнд зүсэм цагаан талх дүрж дэвтээгээд дээр нь буцалгасан, тасалгааны хэмтэй ижил бүлээн ус нэмээд угаах жор нь бүх төрлийн арьстай хүмүүст тохирно.



Угааж цэвэрлэсэн нүүрэнд багахан хэмжээний сүүн шингэн, тослог багатай тос түрхээд шингэтэл нь арчилгүй байлгах нь мөн л тустай. Хэвийн болон хуурай арьстай хүмүүс өдөрт хэд хэдэн удаа нүүрээ усаар норгож тос нимгэн түрхэх нь арьсанд тэжээл өгч, залуужуулан, чангаруулж, хуурайшиж сулрахаас сэргийлдэг байна.


Өглөө нүүрэндээ энгэсэг тавихдаа тослог багатай тос түрх, үүнд нүүрээ угаасны дараа шавшдаг тослог сүүн шингэн маш тохиромжтой. Тосыг арьсны шугамын дагуу духнаас чамархай, хамрын угалзнаас чамархай, амны өнцгөөс чихний дэлбэн, эрүүнээс чихний гэдэс хүртэл чиглэлтэйгээр түрхдэг. Нунтаг энгэсэг нь таны нүүрний өө сэвийг дарна гоо сайхныг тодотгоод зогсохгүй цаг агаарын элдэв үйлчлэлээс нүүрний арьсыг хамгаалах давхарга болж өгдөг.



Энгэсгийг өдөрт хэд хэдэн удаа дээр дээрээс нь давхарлан түрхэх нь арьсыг хуурайшуулж эсвэл арьсны нүх сүвийг бөглөдөг. Компактный буюу шахмал энгэсэг нь илүү нимгэн түрхэгдэж, тогтвортой бат бөх давхрага үүсгэдэг. Ийм учраас эмэгтэйчүүд шахмал энгэсгийг илүүд үздэг. Орой бүр нүүрнийхээ арьсийг сүүн шингэн шингээсэн хөвөнгөөр сайтар цэвэрлэж дараа нь ус, цийдэм, тараг, өргөст хэмхийн шүүс зэргээр шавшаад дахин угаа.


Гоо сайхны бүтээгдэхүүнээ хэдийгээр үйлчилгээ нь сулраагүй байсан ч хэсэг хугацааны дараа, ялангуяа тэжээлийн тосоо сольж байх нь зүйтэй. Учир нь 1-2 сарын дараа бүтээгдэхүүн таны арьсанд дасал болж идэвхтэй элементүүд нь анхных шигээ ашиг тусаа өгч чадахаа больдог.

Онцгой үйл явдалд зориулж 3 өдрийн дотор ТУРААХ ЖОР

 


Онцгой үйл явдалд зориулж 3 өдрийн дотор ТУРААХ ЖОР

Таны амьдралд онцгой тэмдэглэлт үйл явдал, баяр ёслол, арга хэмжээ тун удахгүй тохиох гэж байна уу? Гэтэл таны унжсан гэдэс, хавин, цулцайсан байдал таалагдахгүй байна уу? Тэгвэл ганцхан тэр өдөрт зориулан турах 3 өдрийн хоолны дэглэмийг хүргэж байна. Энэ өдөрт та зөвхөн зааврын дагуу ягштал хооллох ба 4-дөх өдрөөс эхлэн хэвийн хооллолтын дэглэмдээ ороорой. Учир нь энэ нь урт хугацааны тураах дэглэм биш бөгөөд богино хугацаанд таны илүүдэл өөхтэй хэсгийг татаж, чангалах, гэдэс дотрыг сайтар цэвэрлэж шингэлэх арга гэдгийг бүү мартаарай. Ингээд онцгой өдөр тохиохоос 3 өдрийн өмнө дэглэмээ эхлэнэ. Танд амжилт хүсье.

15 min

  1. 1

    Эхний өдөр: Өглөө боссоноосоо эхлээд өдрийн турш зөвхөн улаан лоолийн шүүс уух болно. Мөн ямар ч элсэн чихэр, давсгүй агшаасан будаа идэж болно. Өлссөн үедээ идээрэй. Энэ нь хүний биеэс ялгардаг давслаг шүүрлийн хэмжээг багасган сатуулдаг.

  2. 2

    Хоёр дахь өдөр: Өдрийн турш чихэргүй, органик тараг уух, өлссөн үедээ ottagе бяслаг иднэ. Ямар хэмжээгээр идэх нь тийм ч чухал биш зөвхөн өлсөөд байвал хүссэнээрээ ойр ойрхон идэж болно.

  3. 3

    Гурав дахь өдөр: Өдрийн турш зөвхөн ногоон цай эсвэл ургамлын гаралтай цай уугаарай. Өлссөн үедээ давсгүй жигнэсэн мах иднэ. Тахианы цээж мах байвал илүү үр дүнтэй.

Хүрэн манжингийн амтат салат

 


Хүрэн манжингийн амтат салат

Олон төрлийн салат хийж сурах хүсэлтэй эмэгтэйчүүддээ зориулан нэгэн тэжээллэг, эрүүл, амтат салатны жорыг орууллаа.

30 min

  1. 1

    Салатанд орох хүнсийг бэлтгэнэ. Хүрэн манжинг сайтар угаасны дараа хальслалгүйгээр буцлаж буй халуун усанд хийж 15-17 минут буцалгаж болгоно. Уснаас гаргаж хөргөсний дараа хальслаарай. Учир нь хүрэн манжингийн хальсанд гол гол амин дэмүүд нь байдаг тул хальстай нь чанаж байна.

  2. 2

    Ингээд майноз, элсэн чихэр, давс, хар перц, цууг нэг аяганд хольж хийнэ.

  3. 3

    Сайтар хутгаж холино. Энэ бол салатны амтлагч дресс юм.

  4. 4

    Чанасан хүрэн манжин болон лууванг урт нарийн жижиглэн хэрчинэ.

  5. 5

    Хиамыг урт нарийн жижиглэн хэрчинэ. Хиамны оронд гахайн утсан мах болон зайдас зэргийг хэрэглэж болно.

  6. 6

    Сонгино, сармис, байцааг жижиглэн хэрчинэ.

  7. 7

    Ингээд хэрчсэн бүх бүтээгдэхүүнүүдийг томхон саванд хольж хийнэ.

  8. 8

    Мэдээж алхам 3 дээр бэлтгэсэн салат амтлагчыг хийж холиод сайтар хутгана. Ингээд хүрэн манжингийн амтат салат маань бэлэн боллоо.

Гоо сайхны ундаа

 


Гоо сайхны ундаа

Эрүүл, зөв хооллож, ирээдүйн эрүүл бие саруул ухааныг чухалчлан амьдралын зөв хэвшил мөрддөг хүмүүст зориулан нэгэн эрүүл мэнд, гоо сайхны амтат ундааны жор орууллаа. Хүрэн манжин, лууван, нимбэг нь хүний биед хэрэгцээтэй бүхий л амин дэм, эрдэс бодисыг агуулж байдаг бөгөөд заримс тохиолдолд хүнд өвчтэй хүмүүс хүртэл эмчилгээний журмаар уудаг байна.

20 min

  1. 1

    Лууван болон хүрэн манжинг угааж хальсласны дараа жижиглэн хэрчиж бага зэргийн мөстэй хамт автомат холигч/бутлагчинд хийнэ.

  2. 2

    Ингээд жигд өтгөн нухаш болтол нь миксэрдэнэ.

  3. 3

    Өтгөн болтол нь хольсны дараа цайны шүүр эсвэл марла ашиглан шүүсийг сайтар шахаж авна. Дараа нь нимбэгний шүүсийг шахаж холино.

  4. 4

    Ингээд хөргөгчинд хадгалаж болох ба хүссэн үедээ нэг аяга ууж байгаарай. Түүнчлэн хүрэн манжин, луувангаас гадна ногоон алим, бага зэрэг цагаан гааг хийж дээрх аргаар боловсруулан шүүсийг шахаж авахад нэн сайн байдаг. Та хүссэн жороо сонгон хийж болно шүү.

  5. 5

    Хүрэн манжин луувангийн шүүс нь эрүүл мэнд, гоо сайхан, урт наслахын нууц хэмээн эрт дээр үеэс хятадууд ийнхүү шүүсийг нь шахан уудаг байжээ.

Цэцгэн мантууг хэрхэн хийдэг вэ?

 


Цэцгэн мантууг хэрхэн хийдэг вэ?

Амттай, хөвсгөр зөөлөн мантуу хийж сурахад бас туршлага хэрэгтэй байдаг. Сайхан амттайгаас гадна сайхан үзэмжтэй мантуу хийгээд сурчихвал ямар ч үед зоогийн ширээг сайхан харагдуулах болно. Та сарнай цэцгэн хэлбэртэй мантууг хэрхэн хийдэг юм бол гэж бодож байсан уу? Тэгвэл энэ жорыг заавал сураарай.

90 мин

  1. 1

    Элсэн чихэр, давс, исгэгч, гурилыг хуурайгаар нь саванд шигшиж хийгээд сайтар хольж хутгана. Элсэн чихэр хийхгүй байж болно. Дараа нь халуун бүлээн усыг бага багаар хийж гараараа эсвэл савхаар зөөлөн зуурч эхэлнэ. Жич хэрвээ ямар нэг өнгөтэй мантуу хийх гэж байгаа бол хүнсний нунтаг будгийг дээрх нунтаг орцуудтай хамт холино. Гэхдээ хэдхэн чимх хүнсний будаг хийнэ. Хүссэн өнгийн будгаа сонгоорой. Доорх жоронд ягаан өнгийн хүнсний будаг бага зэрэг хийсэн байгаа. Огт будаггүй хийж ч болно.

  2. 2

    Дараа нь халуун бүлээн усыг бага багаар хийж гараараа эсвэл савхаар зөөлөн зуурч эхэлнэ.

  3. 3

    Ингээд гурил эвэнд орж хатуу ч биш нялцгай ч биш, баримлын шавар шиг болтол нь 10 минут орчим нухна. Хэт нялцгай болох гээд байвал хуурай гурил, эсвэл хэт хатуу болох гээд байвал нэмэлт ус ашиглан хольж нухаарай.

  4. 4

    Дараа нь битүү саванд таглаж тавиад гурилны хэмжээ 2 дахин их болтол хөөлгөнө. Ойролцоогоор 2 цаг хөөлгөнө.

  5. 5

    Ингээд цэцгэн хэлбэр гаргахдаа тус бүр 22-25гр байхаар гурилыг олон жижиг тасдаж бөөрөнхийлөөд 10 минут амрааж дахин хөөлгөнө. Дараа нь жижиг бөөрөнхий тус бүрийг жигд хэмжээтэй элдэнэ. Зурган дээрх шиг элдсэн 5 гурил тус бүрийг хагас давхарлан өрнө.

  6. 6

    Дараа нт гурилыг нэг захаас нь эхлэн зөөлөн хуйлж орооно.

  7. 7

    Ингээд хуйлсан гурилыг голоор нь хувааж зүснэ.

  8. 8

    Цэцгэн хэлбэртэй мантууны үндсэн хэв гарлаа.

  9. 9

    Ингээд жигнүүр дээр тавихдаа тослосон хүнсний цаасан дээр тавьж буцалсан усан дээр 15-17 минут жигнэнэ.

  10. 10

    Жигнэж дуусмагц галын хэмийг унтрааж мантууны таглааг авалгүйгээр гал дээр 3 минут байлгасны дараа савнаас гаргаж идэхэд бэлэн болно.

  11. 11

    Харин энэ бол хүнсний будаг хэрэглээгүй цэцгэн мантуу байна.

  12. 12

    Цэцгэн мантууг илүү дэрвийсэн харагдуулахыг хүсвэл жигнэхийн өмнө гараараа мантууны дэлбээг сунгаж дэлгэж өгөөрэй.

  13. 13

    Ийнхүү амтат, үзэмжтэй мантуу бэлэн боллоо.

Бургунд маягаар амталсан амтат гуляш

 


Бургунд маягаар амталсан амтат гуляш

Энэхүү Бургунд маягаар амталсан гуляш нь Францын зүүн эргийн хотуудын уламжлалт сонгодог хоолнуудын нэг юм. Бургунд нь дарсаараа алдартайн нэгэн адил энэхүү хоолны гол нууц буюу онцлог нь дарсаар амталдагт байгаа юм. Улаан дарс нь үхрийн махтай сайхан зохицдог бөгөөд гайхалтай зөөлөн болдог. Энэхүү хоолыг та хайртай хүндээ хийгээд нэгэн гайхалтай сонгодог үдшийг өнгөрүүлээрэй.

40 min

  1. 1

    Үхрийн махаа 3-4см-н зайтай том дөрвөлжин хэрчинэ.

  2. 2

    Сонгиноо дундуур нь хуваан том дөрвөлжин хэрчинэ. Гахайн утсан махаа нимгэн хэрчинэ.

  3. 3

    Гал дээр саваа(зузаан ширэмтэй бол сайн) халааж маслоо хайлуулаад сонгиноо хийгээд хүрэн шаргал болтол шараад дээрээс нь гахайн утсан махаа хийгээд 3-4 минут шарна.

  4. 4

    Махаа давс болон амтлагчаараа амтлана.

  5. 5

    Махаа дээрээс нь нэмж хийгээд бүх талыг нь хүрэн шаргал болтол шарна.

  6. 6

    Ургамлуудаа нийлүүлэн багцлан бооно.

  7. 7

    Лууван жижиг хэмжээтэй бол хувуух шаардлагагүй. Том бол дундуур нь хуваагаад хийнэ. Ингээд лууван, багцалсан ургамал болон ус нэмээд зөөлөн гал дээр 20 минут битүү буцалгана.

  8. 8

    Шөлнөөсөө мах болон луувангаа гаргаж өөр саванд хийнэ.

  9. 9

    Зуухныхаа галыг тохируулан шөлөн дээрээ гурилаа нэмээд жигд болтол сайтар хутгана.

  10. 10

    Улаан лоолийн сүмсээ нэмээд хутгана.

  11. 11

    Сайтар хутгаад сармис, давс болон амтлагчуудаа тохируулан хийнэ.

  12. 12

    Мах болон луувангаа шөлөн дээрээ нэмээд холино.

  13. 13

    Улаан дарсаа нэмээд сайтар холино. Ингээд багцалсан ургамалаа нэмээд зөөлөн гал дээр таглаад 1.30- 2 цаг чанана. Цаг нь болмогц галаас гаргаад ургамлаа авна.

  14. 14

    Ингээд бургунд маягаар амталсан мах маань бэлэн боллоо. Зөөлөн мах болон гайхалтай амтат өтгөн сүмс. Та шөлнөөсөө тасалж аваад төмсний нухшаа амталвал маш сайхан амттай болох вий. Сайхан хооллоорой.

Сонгино, мөөгний сүмстэй шарсан үхрийн мах

Сонгино, мөөгний сүмстэй шарсан үхрийн мах

Өдөр тутам хийж иддэг хоолнуудаас залхаж, арай өөр өвөрмөц амт шимттэй хоол эрэлхийлж байгаа юм биш биз. Тэгвэл танд мөөг, сонгины амтат сүмстэй шарсан үхрийн махыг санал болгож байна. Хийхэд ч хялбар шүү.

50 мин

  1. 1

    Үхрийн махыг урт нарийн хэрчиж давс, хар перцээр амтлаж сайтар холиод амрааж орхино.

  2. 2

    Махыг амтлаад 30-40 минут амраана. Үүний дараа хайруулын тавганд маслыг хайлуулж халаасны дараа махыг хийж шарна. Хүрэн бор өнгө ортод шараарай.

  3. 3

    Сүмсийг бэлтгэхийн тулд хайруулын тавганд маслыг хийж хайлуулаад 2 хоолны халбага хуурай гурил хийж сайтар хутгасны дараа үхрийн шөлийш хийнэ. Ингээд дунд зэргийн гал дээр өтгөндүү болтол буцалгасны дараа томатны сүмсийг хийж хутгаарай. Дараа нь 1 цайны халбага гич хийж зөөлөн гал дээр буцалгана. Сүмс хэт өтгөн ч биш, хэт шингэн ч биш болох ёстой.

  4. 4

    Мөөгийг бүлээн усанд 1 цаг орчим сойж дэвтээнэ.

  5. 5

    Дараа нь мөөгийг жижиглэн хэрчинэ. Ингээд сонгиныг хуурсны дараа мөөгийг хийж болтол нь хуураарай.

  6. 6

    Шарсан махыг сүмсрүү хийж дунд зэргийн гал дээр буцалгаж эхлэх ба цөцгий хийж хутгаарай. Мах бүрэн болоод ирмэгц шарсан мөөгийг хийж сайтар хутгана.

  7. 7

    Ингээд өтгөн, мөөгтэй сүмстэй шарсан үхрийн мах бэлэн боллоо. Шарсан төмс, ногоо, будаа, гоймонгоор хачирлан амтархан идээрэй.

15 минутын Өргөст хэмхний амтат салат

 



15 минутын Өргөст хэмхний амтат салат

15 минутын Өргөст хэмхний амтат салат

Цаг зав байхгүй ч салат хийх шаардлага тулгарвал цөөхөн орцоор хэдхэн хоромын дотор амтат салат хийж сураарай.

15 min

  1. 1

    Салат навчыг угааж цэвэрлээд урт нарийн хэрчинэ.

  2. 2

    Өргөст хэмх, сонгино, хиамыг урт нарийн хэрчинэ.

  3. 3

    Хэрчсэн салат навч, сонгино, хиам, өргөст хэмхийг хольж хийгээд майноз, хар перц, давс, халуун чинжүү зэргээр амтлаж сайтар холино. Ингээд л салат маань бэлэн боллоо.

Ижий танаа

 

Ээжээ та хүүдээ гомдодгүй биз дээ
Хүү чинь уул өргөж таныхаа ачийг хариулах
Урт холын бодлын тэнд дараатай л яваа шүү дээ
Ээжээ үүрээс нойрыг чинь харамлахдаа өрхөндөө түрүүлж
Үдшийн галаас хацрыг чинь өмөөрөхдөө тулгандаа урьтаж
Гадаа гэртийн хооронд
Гарын хариу баривал болж л байна л даа ээжээ
Гэлээ ч ижий минь та
Гарынхаа дэргэд гар
Нүднийхээ дэргэд нүд байлгах гэж
Намайг төрүүлээгүй болохоор
Ухаанаасаа ухаан төрүүлсэн болохоор
Урт холын бодол минь
Тулганы захаас хол байдаг юм шүү ээжээ

Ээжээ та хүүдээ гомдоогүй биз
Хүү чинь уул өргөж таныгаа ачийг хариулах
Урт холын бодлын тэнд дараатай яваа шүү
Нэг л өдөр зай чинь ханхайж
Нэгний өглөө хацар эзгүйрнэ гэж
Бодож чаддаггүйдээ
Үрийнхээ нүдэнд их өтөлж
Үлгэсэн мээмээ ширгэсэн гэж бодож чаддаггүйдээ
Буянтай таныхаа ачийг би
Буцах гийчний бэлгийн хариу шиг яараагүйдээ алдаж мэдэх юм aa
Гэлээ ч миний намхан ижий та
Хүүдээ битгий гомдоорой
Хүү чинь уул өргөж таныхаа ачийг хариулах
Урт холын бодлын тэнд дараатай яваа шүү

Ээжээ та хүүдээ гомдоогүй биз дээ
Хайртай ээж таныгаа би мөнхийн мөнхөд хайрлая
Будан суухаас нь өмнө тэнгэрээ аргадая
Буурал нөмөрхөөс нь өмнө ижийгээ хайрлая aa
Мөчөө тэнцүүлж өндийн хөлд орохын цагт
Мөөмөнд нь байсан сүү сэтгэлд нь шингэдэг ижий минь
Мөрөө цувуулж тамгалан хүн болохын цагт
Сэтгэлд нь багтаагүй сүү санчиганд нь гэрэлтдэг ижий минь ээ
Би боддог юм, зүүн уулын солонго нь баруунаа татсан ч яахав
Зүүдлээд сэрхэд, ижий минь дэргэд минь л байвал жаргалтай гэж
Би хүсдэг юм өдөр өдрийн аашинд нь уйлж дуулах минь ч яахав
Өмөлзсөн хушуугаа би ижийдээ үнсүүлжил байвал жаргалтай гэж
Би мөрөөддөг юм дутуутай хатуутай хорвоод нь
Бүтэн жаргаагүй ч яахавдээ
Дууны мөнхийн эхлэл шиг миний ижий
Дэргэд минь л байвал жаргалтай гэж би залбирдаг юм
Үүдэн гурван сараас нь нэг нь дутсан ч яахав дээ
Үлгэрийн төгсгөл шиг миний ижий
Үрдээ харагдаж байвал жаргалтай гэж

Би ижийнхээ тухай дуулж, ижийнхээ тухай шүлгэлж

Тэнгэр мэт бурхан мэт ижий таньдаа

Дуун өргөлөө өргөж байна ижий минь ээ.

 

(Нийт: 538)