Зун борлосон ч хурдан цайх арга

Зуны наранд борлохоос хамгийн их айдаг хүмүүсийг бүсгүйчүүл гэж хэлж болох. Мэдээж тэдний хувьд гоо үзэсгэлэн гэдэг хамгийн чухал зүйл шүү дээ. Иймээс бүсгүй та хэтэрхий борлоод түүнийгээ хурдхан шиг л цайруулахыг хүсч байгаа бол доорх зөвлөгөөг нэг хэрэгжүүлээд үз.

Цайны халбага нимбэгийн шүүсийг өргөст хэмхийн шүүстэй хольж, хөвөнд шингээн нүүрнийхээ арьсыг 10 минутын турш зөөлөн арчих.

• Гүзээлзгэнийг няцалж маск бэлтгээд нүүр, хүзүүндээ 15 минут бигнүүр тавих.

• Улаан лоолийн шүүсийг сүүтэй хольж, арьсаа арчвал цайрахын зэрэгцээ зөөлөрч булбарай болно.

• Улаан лууванг үрж жижиглээд, нэг хоолны халбага ургамлын тос нэмж маск бэлтгээд нүүр, хүзүүндээ 20 минут бигнүүр тавих. Энэ нь сэвхийг бүдгэрүүлж, нөсөөг арилгах шидтэй аж.

• Нэг хоолны халбага цөцгий, нимбэгийн шүүс, нэг цайны халбага гурван хувийн устөрөгчийн хэт ислийн уусмалтай бэлдмэлээр нүүрээ арчих.

• Иссэн таргаар маск тавих. Эдгээр зөвлөгөөг долоо хоногт 2-3 удаа хэрэглэвэл таны арьс дорхноо цайх бөгөөд арьсаа хэт хуурайшихаас хамгаалахын тулд өнжөөд нэг удаа тэжээлийн тосоор массаж хийх хэрэгтэй.

Мөн сард нэг удаа нүүрээ содтой юм уу, нимбэгтэй усаар утаж заншаарай.

Таны амралтанд

Гэдэс дүүрч, хоолоо хэтрүүлсэн үед хоолоо хэрхэн шингээх вэ?

Баяр ёслол, тэмдэглэлт үйл явдал гээд онцгой баярын өдрүүд та бидний амьдралд мундахгүй их тохиодог шүү дээ. Харин энэ өдрүүдэд үүсдэг гол асуудал бол хооллолт байдаг. Хоол ихдэж цатгалдах, гэдэс дүүрэх, дотор муухайрах улмаар хоолны хордлогод орох зэрэг. Ийм үед хоолоо дараах хүнсийг хэрэглэн хоолны шингэцийг сайжруулж болно.

1. Чихэрлэг, тослог багатай тараг - Тарагны бүтэц нь исгэлэн байгалийн гаралтай байдаг тул хямарсан гэдсэнд сайн эмч болдог. Та аль болох чихэргүй, энгийн тарагнаас 1 аягыг уугаад хэсэг хугацааны дараа үйлчилж байгааг мэдэх болно. 

2. Нимбэгтэй ус, халуун ус - Гэдэс хямраад, өтгөн хатаад, гэдэс дүүрээд дотор муухай оргиод байвал үүнд хамгийн сайн эмч бол халуун буцалсан ус байдаг гэдгийг мэдэх үү? 1 аяга цэвэр усыг буцалгаад халуунаар нь уух хэрэгтэй. Ингэснээр таны гэдэсний асуудлыг шийдэж, шулуун гэдэсний түгжрэлээс сэргийлдэг хамгийн сайн эмчилгээ болдог. Мөн өнөөдөр их хоол идэх гэж байгаа бол өглөө босоод нэг аяга нимбэгтэй ус уугаарай. Ингэснээр нимбэг нь таны ходоодонд хүчиллэг, шүлтийг үүсгэж өдрийн турш идсэн хоолийг тань хялбархан задлаж шингээдэг байна.

3. Улаан лооль - Дээрхийн адилаар хоол ихдээд эсвэл хурцдаад нэг л тавгүй байвал 1 ширхэг шинэхэн улаан лоолийг идээрэй. Улаан лооль нь калци, магний агууламж ихтэй тул хүний биед хэрэгцээтэй байгаа эрдэс, бодис, амин дэмээр хангаж, цусны эргэлтийг сайжруулснаар гэдэсний гүрвэлзэх хөдөлгөөнийг ч хэвийн байдалд оруулах ид шидтэй ажээ.

4. Өргөст хэмх - Эслэг, фолийн, кальци, витамин В агуулдаг. Энэ нь ходоод, уушигны асуудалтай тулгараад байгаа хүмүүст нэн ач тустай. Өргөст хэмхний шүүс хэрэглэж заншвал цээж хорсох, ходоодны хүчиллэг, гастрит, шархлаа зэрэгт эмчилгээ болдог аж. Тиймээс их хэмжээний хурц, тостой хоол идэхээс өмнө өргөст хэмх, улаан лоолийн салат идэж заншаарай. Ингэснээр та аливаа тавгүйтэл, өвчин эмгэгээс сэргийлнэ. 

5. Лууван - Лууван нь олон төрлийн витамин, антиоксидантаар баялаг тул хоол боловсруулах эрүүл мэндийг хангахад ихээхэн тусладаг гэдгийг мэдэх үү? Хоол чинь ихдээд байвал 1-2 ширхэг лууванг угааж хальслаад аль болох сайн зажилж идээрэй. Хэсэг хугацааны дараа ариун цэврийн өрөө орох хэрэгтэй болно. Ингээд таны гэдэс дотор хөнгөрсөн байх болно.

6. Бүх төрлийн жимс - Жимс жимсгэнэ нь амин дэм ихтэй хэрнээ ислэг, ус ихтэй байдаг тул хоол идэхийн өмнө болон дараа зууш болгон жимс жимсгэнэ идсэнээр хоол боловсруулах үйл явцыг түргэсгэдэг. 

7. Хүрэн манжин - Ходоод чинь өвдөөд хий дүүрээд байвал давслахгүйгээр хүрэн манжин чанаж дангаар нь идэхэд жинхэнэ ходоод гэдэсний доктор гэсэн үг. Гэдэсний гүрвэлзэх хөдөлгөөнийг дэмжин тэтгэж, дутагдсан эрдэс бодисоор хангадаг байна.

www.1000jor.mn

Ванга зөнчийн арван зөвлөгөө

                        

Мэдээний зураг, 

1. Бие биеэ хайрлаж, аливааг сайнаар бодож хийх нь юу юунаас илүү зөв амьдралын жор, эмчилгээ юм.

2. Байгаль эхээ хайрлан дээдэлж, хамгаалаарай. Ямар ч өвчин шаналалыг анагаах увидасыг тэр бүтээдэг.

3. Янз бүрийн эм хэрэглэх нь бие махбодийн тэнцвэрийг алдагдуулахаас гадна байгаль эхийн бүтээгдэхүүн өвс ургамлын ид шидийн үүдийг хаана.

4. Дэлгэр цагт хөл нүцгэн явж эх дэлхийтэйгээ холбоо үүсгэж бай. Хүүхдийг байгальд дураар нь тоглуул. Ингэх нь өвчин тусахаас хамгаалж байгаа хэрэг.

5. Унтахынхаа өмнө хөлөө заавал угаа. Ус хир, тоосноос чинь салгахаас гадна муу муухай бодол, сэтгэлийн шаналал, биеийн ядаргаа тайлж, тайван нойрсуулна.

6. Зөв амарч сурах хэрэгтэй. Өдөр ажил хийхэд, шөнө унтахад зориулагддаг гэдгийг сана. Эрүүл энх байж, урт наслахыг хүсвэл 22.00 цагаас хэтрэлгүй унтаж, өглөө эрт 06.00 цагт босч сурах хэрэгтэй.

7. Төрөл бүрийг жимс болон ургамлын хандтай цай байнга хэрэглэх нь эрүүл байхын чухал үндэс. Цай бие цэвэрлэдэг.

8. Долоо хоногт нэг удаа боловч үр тариа идэж занших нь биедээ их хүч хуримтлуулахтай адил.

9. Байнга хөдөлж бай. Зүгээр суух нь сэтгэл чилээж, биеийг эвдэнэ.

10. Цэвэр ариун байх нь эрүүл оршихын үндэс. Бие болоод сэтгэлийн бохир бурхны зарлигийг зөрчихтэй адил.

Өрөөнөөс будагны үнэрийг хурдан гаргахын тулд хэд хэдэн газар давстай ус тавь

Та бүхний амьдрал ахуйд үнэлж баршгүй тус хүргэх энгийн атлаа ашигтай зөвлөгөөг хүргэж байна.

1. Шинэ талхыг үйрүүлэхгүйгээр нимгэн зүсэхийн тулд хутгаа халуун усанд дүрвэл сайн, мөн бялууг ийм хутгаар зүсвэл зүгээр. Тортыг хатуу цаасан хайрцагт алимтай хамт хийвэл удаан хадгалах боломжтой.

2. Байхуу цайг амттай болгохын тулд түүнийг хадгалж байгаа саванд нь нимбэгний хальс хийх хэрэгтэй.

3. Төмсийг хальстай нь чанавал 75%, хальсыг нь арилгаж бүхлээр нь чанавал 60-70%, хэрчиж чанавал 35-50%-ийн витаминтайгаа байна. Харин төмсийг жигнэвэл хамгийн их хэмжээний витаминаа хадгалж үлдэнэ.

4. Өндөгний муудсан эсэхийг мэдэхийн тулд гэрэлд хар. Муудаагүй өндгөн дотор толбо харагдана, харин муудсан өндөн нэвт гэрэлтэхгүй. Мөн муудсан өндгийн давстай усанд хийхэд хөвнө.

5. Хутга сэрээг (хуучин эсвэл зэвэрсэн) түүхий төмсөөр арчвал гялалзана. Мөн шилэн аяганд халуун ус хийхдээ дотор нь халбага хийвэл хагарахгүй.

6. Махыг шарахын өмнө бага зэргийн элсэн чихэр түрхвэл, эсвэл хэрчсэн махтайгаа хольж хутгавал илүү амттай болдог. 

7. Өрөөнөөс будагны үнэрийг хурдан гаргахын тулд хэд хэдэн газар давстай ус тавина.

8. Хөөрүүлсэн сүүгээ гал дээр удаан байлгавал тэжээллэг чанараа алдана. Сүүг дэврүүлэхгүй хөөрүүлэхийн тулд хэдхэн ёотон хийх хэрэгтэй. 

9.Хоолны шүүгээнд эвгүй үнэр шингэсэн байвал нунтаг кофег цаасан дээр задгай үрж тавиад хонуулахад үнэр нь арилсан байна. 

10. Өмдний нугалаасыг удаан байлгахын тулд дотор талаас нь нугалаасыг дагуулаад савандаж байгаад индүүдэх хэрэгтэй.

Өдөрт 108 удаа сунаж мөргөх нь ямар ч дасгалаас илүү ашигтай

11694895_866969163372438_4004912629580722440_nШинжлэх ухаанд мөргөлийг тайлбарлахдаа хөдөлгөөнд нь 200 гаруй гимнастикийн элемент багтсан байдаг гэжээ. Энэ нь хүний биеийн галбирыг сайхан болгож, цусны эргэлтийг сайжруулан, биеийн хөдөлгөөн уян хатан болж, хуян шар ус арилгадагийг нотолсон байна. Эмч нар өдөрт 108 удаа сунаж мөргөхийг зөвлөх болж. Турж, эрүүлжин, гоолиг болохыг хүсэгчдэд ч энэ аргыг зөвлөж байна. Дундаж хурдаар хийхэд 108 удаа сунаж мөргөхөд 15-20 минут зарцуулдаг. Өглөө, өдөртөө хоёр удаа хийж заншвал тун сайн гэнэ.

Мэргэжилтнүүд хэлэхдээ долоо хоногтоо гурван удаа идэвхтэй хөдөлгөөн хийж байх хэрэгтэй гэдэг. Гэвч энэ зөвлөгөөг дагаж чаддаг нь хэр олон бол. БНСУ-ын эмч, доктор Ким Жэйсон “108 удаа сунаж мөргөхийн ач тус”-ыг ингэж зөвлөжээ. Доктор Ким энэхүү дасгалыг “Байгалиас заяасан хоёр дахь хөдөлгөөн гэж нэрлэжээ. “Энэхүү дасгалыг хийхэд хүний өвдөг, тохой, магнай гээд бүх зүйл газарт хүрээд буцдаг. Харахад амархан энгийн мэт боловч үр дүн нь гайхалтай. Мөн энэ дасгалыг хүссэн үедээ хаана ч хийж болно. Дөрвөн жилийн өмнөөс энэ дасгалыг хийж эхэлсэн нэгэн залуу ингэж ярьсан юм. Тэр найзаасаа сонсч л дээ. Гэхдээ анх сонсоод итгээгүй байна. Гэсэн ч үр нөлөө нь шууд гарч эхэлжээ. Өглөө сэрэхэд хэцүү байдаг байсан бол долоо хоногийн дараа л би өглөөтэй өөрөөр мэндэлдэг болсон. 2 сарын дараа миний шингэхэн үснүүд өтгөн сайхан болсон. Бас миний нурууны архаг өвчин нэг ч зүү тавьж эмчлээгүй байхад ул мөргүй алга болсон гэж байв” хэмээн доктор Ким ярьжээ.

Тэрээр энэхүү 108 удаа сунаж мөргөх тухай маш олон баримт цуглуулж, судалж эхэлжээ. Улмаар үйлчлүүлэгч, ойр дотныхондоо энэ аргыг санал болгох болсон байна.

Өдөрт 108 удаа сунаж мөргөхийн ач холбогдол нь шинжлэх ухаанаар батлагдсан бөгөөд артерын судас хатуурахаас сэргийлж, холестриныг бууруулж, түүнчлэн хэвлийн таргалалт үүсгэдэг гол хүчин зүйлийг ихээр бууруулдаг нотлогджээ. Дээрээс нь сэтгэцийн гаралтай өвчинд маш сайн болохыг доктор Ким нэмж хэлсэн байна.

Мөн тэрбээр гэр бүлийн хамт энэ аргыг туршиж үзсэнээр маш олон өөрчлөлтүүд гарч байгаа тухай ярьжээ.

“Манай гэрийнхэн өглөөг маш сайхнаар эрч хүчтэй угтдаг болсон. Бидний гэр бүлийн харилцаа улам л таатай болж байна. Би хүүхдүүдээ загнаж, шийтгэхийн оронд хамтдаа 108 удаа сунаж мөргөдөг болсон” гэжээ. Тэрээр энэ сэдвээр “10 минутанд биеийг минь өөрчлөх гайхамшигт дасгал” номыг бичсэн байна.

Наранд харлахгүй байх хамгийн энгийн арга

 

100_614364b818fe90ee47acdd928d47cd83Энэ зун их халуун болох талаар цаг уурынхан сэрэмжлүүлж байгаа. Нар ихтэй зун арьсаа  хэт ягаан туяанаас хэрхэн хамгаалах талаарх зөвлөгөөг бид танд хүргэж байна. Нүүр харлах, сэвхтэх, бас арьсны харшил хөдлөх гээд халуун нарнаас үүдэх сөрөг үр дагавар багагүй. Иймээс хурц нартай өдөр арьсаа хамгаалах нь зайлшгүй шаардлагатай зүйлсийн нэг.

 

Гэхдээ нэг зүйлийг сануулахад нарны туяаны үр нөлөө ч бас их. Нарны туяанаас гардаг D витамин үгүй бол сэтгэл гутрал нэмэгдэж, уур уцаартай болох нь бий.

Нарнаас хамгаалах бүтээгдэхүүн

  •  1-р хүчин зүйл. Цаг агаар

Нарнаас хамгаалах бүтээгдэхүүн сонгохдоо та ямар цаг агаартай үед түүнийг хэрэглэхээр төлөвлөж байгаагаа эхлээд тодорхойлох шаардлагатай.

Хэрвээ ажлын хоногуудад ихэнх цагийг албан тасалгаандаа өнгөрүүлдэг бол SPF-15 эсвэл  SPF-20-той бүтээгдэхүүн байхад л хангалттай.

Харин наран шарлагын газар очих, салхинд гарахаар шийдсэн бол дээрх хамгаалалт хангалттай бус. Ийм тохиолдолд SPF-40 эсвэл SPF-50-тай тос, зайлшгүй тохиолдолд усны хамгаалалттайг хэрэглэнэ.

Үүнээс гадна хүйтэн бүрхэг өдрүүдэд ч SPF багатай тосыг ашиглах шаардлагатай. Иймээс өдөр тутмын суурь кремэндээ 10 юм уу 20 гэсэн үзүүлэлттэй крем сонгох нь зөв гэж зөвлөх байна.

  • 2-р хүчин зүйл. Арьсны төрөл

Таны арьсны төрөл нь тухайн сонгон авсан бүтээгдэхүүн тохиромжтой эсэхийг тодорхойлох гол зүйл. Нарны хамгаалалттай тос нь нүүр болон биеийн гэсэн зориулалттай байдаг бөгөөд биеийн тосыг нүүрэнд түрхэх зохимжгүй, учир нь нүүрний арьс илүү эмзэг мэдрэмтгий байдаг гэдгийг бүү март.

Мөн нүүрний болон үсний өнгөдөө тааруулж тосоо сонго. Хэрвээ та цонхигор цагаан царайтай шаргалдуу үстэй бол SPF-30-аас доошгүйтэй тосыг сонго.Хар нүдтэй бор царайтай хар үстэй бол SPF-10-15-тай байхад болно.

Нарнаас хамгаалах гэртээ хэрэглэж болох маскууд

Нарнаас хамгаалах маскийг гарахаасаа 20-30 минутын өмнө хэрэглэх бөгөөд энэ нь маш үр дүнтэй байдаг.

  • Хуурай, энгийн арьсыг нарнаас хамгаалах маск

Нарнаас хамгаалах хамгийн энгийн арга бол өндөгний шараар нүүрэндээ маск тавих явдал юм. Маскийг бүрэн хаттал нүүрэндээ байлгаад бүлээн усаар угаана.

  •  Тослог, холимог арьсны маск

Өргөст хэмхийг нунтаглан архинд 1:10 харьцаатай хийнэ. Үүнийгээ сэрүүн газар хоёр долоо хоног хадгална. Дээрх бэлдмэлээ цэвэр усаар шингэлнэ. Ингэхдээ мөн л 1:10 харьцааг баримтлах бөгөөд бэлэн болсон уусмалаараа өдөр бүр нүүрээ арчиж хэрэглэнэ.  Өргөст хэмх нь цайруулах нөлөөтэй бөгөөд арьсанд  сэвх үүсэхээс сэргийлдгийг онцолъё.

잡채 ( Чапчэ) хачир

Жорыг Маагий

Орц: Лууван, сонгино, бууцай, пүнтүүз, сое соус, гүнжидийн тос, элсэн чихэр, сармис

Алхам 1

Хайруулын тавгандаа тос хийгээд сонгиноо хуурна.

Алхам 2

Дээрээс нь нимгэн нарийхан хэрчсэн луувангаа бас нэмж шарна.

Алхам 3

Мөн амтат чинжүүгээ нарийн хэрчээд мөөгтэй хамт дээрээс нь нэмж хуурна.

Алхам 4

Пүнтүүзээ чанаж буцалгаад усыг нь шүүж 5-7 мин амраана.

Алхам 5

Бууцайгаа цэвэрлээд илүүдэлийг нь авч хаяна.

Алхам 6

Бууцайгаа угаагаад усанд буцалгаад усыг нь шүүж бага зэрэг гүнжидийн тос нэмж хутгаж базна.

Алхам 7

Сое соус буюу канжан цуу 7 халбага, 3 халбага элсэн чихэр, нухсан сармис 1 халбага хайруулын тавгандаа хийж хутгаад бага зэрэг буцалгаарай.

Алхам 8

Буцалж байгаа соусан дээрээ өмнө бэлдсэн бүх орцоо нэмж хийгээд сайтар хутгана. Дээрээс нь бага зэрэг гүнжидийн тос нэмж болно. Хэрэв махтай идэх бол махаа тусад нь хуураад нэмээд хутгачихна.
Сармис сонгинотой томатны соус

Орц:

Лаврын навч 1 ш Сонгино 3 ш
Масло 100 мл Помидор 1000 мл
Бөөрөнхий хар перец 7 ш Сахар 20 гр
Давс 20 гр Сармис 2 хумс

 

Алхам 1

Энэхүү томатны соус бэлдэхийн тулд танд улаан лооль, бөөрөнхий сонгино, сармис, ургамлын тос, бөөрөнхий хар перец, нунтаг улаан чинжүү халуун ногоотой чинжүү, лаврын навч, давс элсэн чихэр хэрэг болно.

Алхам 2

Сармисаа арилгаад жижиглэж нухна.

Алхам 3

Улаан лоолио махны машинаар машиндаад шүүр шангааар шүүж хальс болон үрнээс нь салгана.

Алхам 4

Сонгиноо арилгаж голоор нь хувааж хуваасан талаа хагас цагираг хэлбэрээр хэрчинэ.

Алхам 5

Хайруулын тавганд хийж зөөлөртөл нь шарна

Алхам 6

Сонгино дээрээ сармисаа нэмж дээрээс нь 5-6 хоолны халбага халуун ус хийнэ. Таглаад ахин 10 минут болгоно

Алхам 7

Чанаж болохуйц саванд томатны нухашаа хийж буцалгаад дээрээс нь сармис сонгиноо хийгээд сайтар хутгаж 30 минут чанана

Алхам 8

Соусандаа давс элсэн чихэр, лаврын навч, улаан хар перецээ хийнэ.

Алхам 9

Бүгдийг нийлүүлж хутгаад ахин 10 минут чанана.

Алхам 10

Соусаа халуун байхад нь 0,5 л варений шилэнд хийгээд таглаад 85С халуунд 30 минут жигнээд дараа нь өөрийн хүссэн савандаа хийнэ. Таны соус бэлэн боллоо.
Голубцы” хийх арга

 


Орц:
800гр үхрийн татсан мах
¾ стакан будаа
2ш сонгино
1 бүтэн байцаа
3 х/х оливийн тос
2 х/х зөөхий
2 х/х улаан лоолийн паста
2ш лууван
давс перец

 

Хийх арга:

Будаагаа агшаана. 1ш сонгино хэрчээд тосонд шарна. Татсан махан дээрээ шарсан сонгино, будааг аа нэмээд базна. Амталгаа хийж давс перец нэмнэ. Байцааг 15-20 минут усанд чанаад навчнуудыг салгаж авна. Салгаж авсан навчуудын гол буюу хатуу хэсгийг зүсэж эсвэл хайчилж авна. Байцааны навч бүр дээр 1 х/х мах нэмээд орооно. Ороосон навчнуудыг бүх талаар нь шарж бага зэрэг болгоод саванд хийгээд тавина. Үлдсэн 1ш сонгиныг хэрчээд, 2ш луувангаа үрнэ.  Бэлдсэн ногоонуудыг голубцы дээрээ тарааж тавина. Улаан лоолийн паста болон зөөхийг хутгаад 1 стакан ус нэмнэ. Соусыг голубцы дээрээ асгаж таглана. Голубцыг 45 минут зөөлөн гал дээр буцалгана. 
 

Энэ зуны загварын трэнд

 

Урин дулаан цаг аль хэдийн иржээ. Тиймээс хувцасны шүүгээгээ янзлах цаг болжээ. Хувцаснууд тань нэг л хуучирсан, уйтгартай харагдаад байвал, загварын тайзнаас хүч төрөн гарч ирж буй трэндүүдээс санаа авч, өөрийгөө шинээр бүтээгээрэй.

Romper? Бол шилдэг сонголт

Хэдий romper-т эмэгтэй хүн бүр дурлаад байдаггүй ч, дур булаам харагдуулдгаас гадна, энэ жил моданд орж байна. Зуныг тань илүү хөгжилтэй байлгах, дан сонголт бол romper. Амралт зугаалганд, эсвэл голын эрэг дээр очиж нарлахыг хүссэн тохиолдолд, сайхан зуны төрхийг бүрдүүлнэ. Хэдий хөгжилтэй, загварлаг хувцас боловч, орой үдшийн арга хэмжээнд өмсөхөд тохиромж муутай шүү.

Өнгөний сонголт

Энэ зуны халуухан өнгөний сонголтонд шар, хар ба цагаан, цэнхэр ба цагаан мөн толгойгоос хөл хүртэл цагаан өнгө багтаж байна. Түүнчлэн ханцуйгүй задгай даашинз өмсөх гэж байвал шар өнгө төгс сонголт.
 

Илүү дэгжин харагдахыг хүсэж байвал...

Залгаа цамцан юбка загварын тайзан дээр ихээр үзэгдэх болсон. Таныг ямар гутал болон гоёл чимэглэл өмсөж зүүхээс шалтгаалан ажлын, эсвэл энгийн хувцаслалт болох нь хамаарна. Бүр цаашилбал, үдшийн болзоо болон бусад арга хэмжээнд ч өмсөх боломжтой. Тийм учир энэ хувцас яах аргагүй таны хувцасны шүүгээг чимнэ. Ханцуйгүй задгай даашинз үргэлж л зуны загварынөнгийг тодорхойлж байдаг. Тиймээс та зундаа сэрүүхэн бөгөөд загварлаг явахыг хүсвэл үүнийг сонгоорой. Бага зэрэг хээнцэр гоёл чимэглэл нэмээд л мөн үдшийн хувцас болон хувирна.
 

Бусад загварын трэнд

Өмд, эсвэл шортны оронд кулот далбагар богино өмд загварын өвөрмөц хэсэг болжээ. Хагас өмд, хагас шорт гэхэд болно. Өдөр тутамд өмсөхөд тохиромжтой бөгөөд поло пудволка, майктай илүү зохимжтой. Бага зэрэг сэрүүхэн үед далбагар захтай цув дэгжин бөгөөд цэвэрхэн харагдуулахаас гадна, таныг дулаахан байлгана.

Нүүрний йог хийж үрчлээнээс сэргийлье

 

Киноны нүүр хувиргагчид дүрээ илт хөгшрүүлэхийн тулд хамгийн түрүүнд аль хэсэгт нь үрчлээ нэмж буддагийг мэдэх үү? Хамарны угалзын хоёр талд, доошоо чиглэлээр. Бусад хэсгээрээ хичнээн толигор байгаад, эндээ л үрчлээтэй бол 5-10 насаар хөгшин харагддаг. Гэхдээ бидэнд тайвшрах шалтгаан бий. Үүнээс сэргийлэх, үүсч эхлээд байгаа нимгэхэн зураасыг арилгах байгалийн арга бий.

Залуу байхад энэ үрчлээ биднийг инээх үед л тодорч, харин ч инээмсэглэлийг минь илүү халуун дулаан харагдуулдаг. Харин нас болон газрын татах хүчний нөлөөгөөр энэ үрчлээ бидний царайнд аажим аажмаар тогтож эхэлдэг. Нэгэнт үүссэн бол инээх тусам л үрчлээний харагдах байдал нэмэгдэнэ гэсэн үг. Толинд хараад дунд, долоовор хуруугаараа хацраа хоёр тийш нь үл ялиг татаад үз дээ. Чи хэдэн насаар залуужсан юм шиг санагдаж байна?

Нүүрний йог хийж, нүүрний тодорхой булчингуудыг хөгжүүлэх, цусны эргэлтүүдийг сайжруулах замаар арьсыг чангалж, хамгийн хөгшин харагдуулдаг үрчлээ амархан үүсэхээс сэргийлж болно.

1. Татаад цорвой
Хамарны хажуугийн үрчлээсний харагдах байдлыг багасгах шилдэг дасгал гэж хэлж болно. Хоёр гарынхаа долоовор, дунд хурууг амныхаа хоёр талд байрлуулаад чих рүүгээ дээш нь тат. Тэгэнгээ уруулаа цорвойлгож, нийлүүлэх гэж оролд. 10 тоолоод суллаж болно. Яг энэ дасгалаа 10 удаа давтаж хийгээрэй.

2. Том “О”
Уруулаа О хэлбэрт оруулаад, шүдээ хаа. Амныхаа хоёр өнцгийг дээш нь чиглэлд өргөнгөө инээмсэглэх гэж оролдоорой. Дараа нь чамархайныхаа доор гарынхаа доод хэсгээр 10-ын тоонд иллэг хийнэ. Энэ дасгалыг өдөрт нэг удаа хийгээрэй.

3. “Уруу татсан” инээмсэглэл
Гурван дунд хуруугаа хацар дээрээ тавиад доошоогоо чиглэлтэйгээр дар. Тэгэнгээ аль болох хүчтэйгээр инээмсэглэж хацраа өргөөрэй. Яг энэ үйлдлээ 10 удаа давт.

4. Үнсээд марш, баруун, зүүн…
Энэ дасгалын үед толгойгоо цэх, урагшаа байлгах нь чухал шүү. Толгойгоо хөдөлгөлгүйгээр зөвхөн уруулаараа баруун гар талынхаа хүнийг үнсэх гэж байгаа мэт цорвойлгоод баруун хацар луугаа шилжүүл. Дараа нь энэ үйлдлээ зүүн тал руугаа давтаж хий. Эрүүгээ ч бас хөдөлгөхгүй байхад анхаараарай. Тал бүртээ таван удаа энэ дасгалыг удаахнаар давтаж хий. Дараа нь хурдыг нь нэмэгдүүлж, тал бүрт 6 удаа хий.

5. “Нэг л үнэр байна даа”
Уруулаа сул тавь. Тэгээд ямар нэг таагүй үнэр үнэртсэн мэт хамраа үрчийлгэж дээш нь өргө. Энэ дасгалыг 10 удаа хийгээрэй.

6. Хэлний булчингаа ажиллуулъя
Хэлээрээ баруун, зүүн хацар, уруулныхаа дээд хэсгийг дотроос нь чадах чинээгээрээ түлхэх оролдлого хий. Нүүрээ угааж байхдаа ч энэ дасгалыг хийж болно.

Энэ дасгалыг хийхэд мөнгө, их цаг завны аль нь ч орохгүй. Харин тасралтгүй хичээл зүтгэл л хэрэгтэй.

Сүүлийн зургаан хоногийн турш "Mers" вирусийн халдвартай өвчтөнүүдээс нас барсан тохиолдол бүртгэгдс



2015070601031121080001_b_99_20150706115108.jpg


    Солонгос улсад дэлгэрч байгаа "Mers" вирусийн халдвартай 186н  өвчтөнүүдээс сүүлийн зургаан хоногийн турш нас барсан тохиолдол бүртгэгдсэнгүй. Ингэснээр тус вирусийн халдвар авсан 33-н хүн нас барсан бөгөөд эдүгээ 117-н хүн бүрэн эдгэрч эмнэлгээс гарсан бол вирусийн халдвар авсан байж болзошгүй 907-н хүнийг тусгаарлан эмчилж байна.
   "Mers" вирусийн халдвар тараасан гэгдэн түр хаагдаад байсан зарим нэгэн эмнэлгүүд дахин энгийн иргэдэд үйлчилж эхэлсэн ба энэ тухай тус улсын Эрүүл Мэндийн яамны сайд хэлсэн үгэндээ""Mers" вирус эмнэлэг болон эмч, сувилагч нараар дамжин халдварлаж байсан онцгой тархалтын үе дууссан. Одоо харин намжаад байгаа тархалтыг бүрэн зогсоох их ажил үлдлээ" гэжээ.

 WWW.MGLRADIO.COM
Солонгос мэдээ булан.
Үсээ гялалзсан эрүүл болгоё гэвэл сармисны ханд бэлдээрэй


Үсээ гялалзсан эрүүл болгоё гэвэл сармисны ханд бэлдээрэй

Хүний үсэнд тэжээл өгч, ургуулж, эрүүлжүүлж, гялалзуулах ид шид сармисанд байдаг. Сармисны ханд хийж хэрэглэснээр үсний байгалийн өнгийг сэргээж, ургалтыг түргэсгэж, гялалзсан намирсан болгодог. Мөн сармис нь олдоц сайтай, та бидний өдөр тутмын хүнсний хэрэглээнд ордог, үнэ өртгийн хувьд ч хямд төсөр тул та үсээ арчлахад зардал гаргахгүй байх боломж байна.

Сармисны ханд бэлдэхэд:

1.Буцалсан ус, сармис, өндөг байхад л хангалттай. Бондгор сармисыг хальсалж цэвэрлээд жижиглэн хэрчинэ.

2.Жижиглэн хэрчсэн сармисаа өөр саванд хийж дээрээс нь буцалсан халуун усаа хийж хий орохооргүй сайтар таглана. Үүнийгээ 24 цаг сэрүүн газар байлгасны дараа сармисны хандыг өөр саванд шүүж авна. 1 ширхэг өндгийг сармисны ханданд хийж автомат холигч эсвэл сэрээ ашиглан өндөгний шар задартал хольж миксэрдэнэ. Ингээд хуурай үстэй байхдаа толгойнхоо хуйхнаас эхлэн түрхэж массаж хийж өгнө.

3.Сармисны хандыг хуйх, үсэнд дуустал түрхсэний дараа гялгар малгай өмсөөд 20-25минут болно. Их удвал хуйх түлэгдэх аюултай. Дараа нь массаж хийх маягаар шампунь ангижруулагчаараа угаагаад хүйтэн бүлээн усаар зайлна. Долоо хоногт 1 удаа усанд орохдоо энэхүү аргаар үсээ арчилж байж болно. Эхний угаалтаас л таны үс намирч, гялалзан өнгө орсон байхыг та мэдрэх болно.

Булангийн тавиур хийх санаанууд /

1510629_801967316591330_6357716256245973829_n 1908150_801967206591341_7892909586041271740_n 10458851_801967226591339_2213202853217417536_n 10984091_801967249924670_3939771239591828371_n 11204404_801967243258004_7683840265496160809_n 11219437_801967229924672_781445702714509037_n 11666152_801967203258008_288457774676062484_n 11667438_801967193258009_8426660264293977173_n 11667460_801967213258007_9216199064759928643_n 11694893_801967263258002_4308840609650832496_n 11695864_801967323257996_1756720207548794125_n 11701061_801967343257994_1498028801473039459_n 11702831_801967293257999_7986113428901511214_n

 

Хөлийн өсгий эвэршиж хатуураад байвал...

 

selection_85_26.jpg
Дунд зэргийн сонгиныг маш сайн жижиглээд цайны халбагаар нэг оливийн тос, мөн төдий хэмжээний зөгийн бал хийн сайтар хутгаад хөлийн өсгий дээрээ тавьж самбайгаар өдөр бүр бооход маш сайн зөөлөрнө. Ер нь хүний биед А аминдэм дутагдсанаас арьс хуурайшилт, эвэршдэг тул лууванг үрүүлээр үрж цөцгий эсвэл наранцэцгийн тостой зуурч идэхэд арьс зөөлөн, булбарай болно. Мөн А аминдэмийг үрлээр байнга ууж болно.
Шар айргаар угаасан үс торгомсог зөөлөн болдог...
Хоногт нэг удаа шар айргаар үсээ угааж байвал торго мэт зөөлөн, намирсан үстэй болно. Шар айргаар үсээ угаахдаа бага зэрэг халаагаад үсэндээ массаж хийх маягаар угаадаг.
Ингээд дараа нь усаар зайлна. Хамгийн сүүлд сануулахад үсийг халуун усаар бүү угаа. Ингэж угаахад үс амархан гэмтдэг.

Хувцсаа гамтай эдлэе гэвэл

boor.jpg

1. Хувцасныхаа шүүгээг ойр ойрхон онгойлгож бай. Нэг удаа онгойлгохдоо удаан хугацаагаар онгорхой орхиж бай.
2. Хувцсыг гялгар уутанд бүү хадгалаарай. Агаар үл нэвтрэх уут сав нь даавууны чанарыг муутгадаг.
3. Цагаан хэрэглэлээ сайтар угааж цэвэрлэсний дараа л шүүгээндээ хадгалаарай. Бохир цагаан хэрэглэлийг шүүгээнд хадгалахад хир нь толбо болон үлддэг.
4. Үнэртэй усыг хувцсандаа бүү цац. Даавууны чанар мууддаг.
5. Даашинзуудыг хэвтээгээр нь хадгал. Гэхдээ ойр ойрхон байрыг нь сэлгэж байгаарай.
6. Бохирдсон хэсгийг цаг тухайд нь цэвэрлэж байхгүй бол шингэж, уусаад хэзээ ч арилхааргүй
7. Хувцсаа зөвхөн дотроос нь индүүдэж бай. Ингэвэл гандахгүй.
8. Хувцсаа угаах шаардлагатай үед нь л угааж бай. Олон угаах нь чанарыг улам муутгадаг.

Тос, толбыг хэрхэн арилгах вэ?
- Хуучирч удсан тосон толбыг бензинээр уусгаж арчвал цэвэрхэн болно.
- Төмрийн зэвийн толбыг арилгахдаа хагас аяга бүлээн усанд нэг халбага орос цууны хүчил хийж арчаад дараа нь усаар угаана.
- Ялааны баасыг усаар шингэрүүлсэн спиртээр арчаад усаар угаавал амархан арилна.
- Нийлэг эдээр хийсэн оймсонд гутлын дотроос тогтсон толбыг арилгахдаа оймсоо савандаж орхиод 30 мин дараа угаана.
- Хатуурсан хуучин толбыг арилгахдаа цөцгийн тос түрхэж дэвтээгээд бензинээр арчиж, 10 хувийн спиртээр үрж цэвэрлэнэ.
- Тосон будаг, манжингийн шинэ толбыг цэвэр керосиноор арчиж, дараа нь спиртээр цэвэрлэнэ.
- Цусны шинэхэн толбыг хүйтэн цэвэр усаар арилгана.
- Ямар ч өнгийн бэхний шинэхэн толбыг бүлээн сүү буюу таргаар арчиж арилгана.
- Удсан толбыг сүүгээр дэвтээж байгаад арчвал амархан арилна.
- Янз бүрийн жимс, жимсний архины толбыг арилгахдаа глицрин, түүхий өндөгний шар хоёрыг ижил хэмжээтэй хольж түрхэнэ. Дараа нь бүлээн усаар угаавал амархан арилна.
- Шинэхэн тосон толбо хоолны чийгтэй давсаар үрээд дараа нь савантай бүлээн усаар угаавал арилна.
- Арьс, савхин эдлэлд дуссан бэхийн толбыг сүүгээр арчвал амархан арилна.

Төрөл бүрийн гутал цэвэрлэх энгийн аргууд
- Цайвар гуталд тохирох өнгийн тос олоход тийм ч амар биш. Тиймээс ч тосолсны дараа өнгө нь хувирах явдал олонтоо гардаг. Үүнээс зайлсхийхийн тулд гутлыг сонгины шүүсээр юмуу сүү өндөгний цагаан хоёрын холимогоор арчилж болно.
- Лакан гутал онцгой арчилгаа шаарддаг. Түүнийг будах юмуу тосолж болохгүй. Өнгийг нь муухай болгож бүдгэрүүлэхгүйн тулд сард нэг удаа өндөгний цагаан ба тосон туулганы хольцоор зүлгэх хэрэгтэй . Эсвэл 50 гр сүү 5 гр ургамлын тос холиод түрхэж болно.
- Эсгий гутал хэвээ алдаж муудах нь бага боловч цэвэрлэх шаардлага мэдээж гардаг. Ийм гутлыг давирхайгүй модны шинэхэн үрдсээр арчиж цэвэрлэнэ. Цагаан эсгий гутлыг бол талькаар цэвэрлэж болно.
- Илгэн гутал их амархан халтартдаг. Хэрэв гутал чинь тийм ч аймаар бохирдчихоогүй бол резинэн сойз, бие угаадаг резин, эсвэл ердийн баллуураар цэвэрлэх хэрэгтэй. Хэрэв цагаан талхаар үрэх юм бол илгэн гутал дээрх толбууд амархан арилна. Илгэн гуталд тогтсон тосны толбыг бензинд дүрсэн даавуугаар арчиж цэвэрлэж болно.
Илгэн гутлыг шинээр нь аваад өмсөхөөсөө өмнө заавал хамгаалалтыг нь хэрэглэх хэрэгтэй. Хамгаалалт гэдэг нь зориулалтын шингэн бөгөөд илгийг хурдан халцрахаас урьдчилан сэргийлж, эдэлгээг нь уртасгадаг. Илгэн гутлыг хамгаалах энэхүү шингэн нь төдийлөн элбэг биш бөгөөд голдуу томоохон дэлгүүрүүдэд худалдаалагддаг. Хамгаалалтыг хэрэглэсний дараа зориулалтын цэвэрлэгчээр тогтмол цэвэрлэх хэрэгтэй. Поролонон цэвэрлэгч, шингэн өнгөлөгчийг огтхон ч хэрэглэж болохгүй. Тэд илгэн гутлыг цэвэрлэхээсээ илүү халцруулдаг. Харин өөрийнх нь зориулалтын цэвэрлэгчээр цэвэрлэх хэрэгтэй. Энэ нь гутлын сойз, цэвэрлэгч шингэн гэсэн иж бүрдэл юм. Зарим хүмүүс ихэнхдээ гутлын сойзоор нь цэвэрлэчихээд шингэн цэвэрлэгчийг ойшоодоггүй тал бий. Хамгийн гол нь гутлын сойзоор нэвчсэн тоос шороог авч, үсийг нь босгодог бөгөөд шингэн цэвэрлэгчээр өнгийг сэргээдэг. Шингэн цэвэрлэгч нь хар, бор, өнгөгүй байдаг бөгөөд ямар ч өнгийн илгэн дээр өнгөгүй шингэн нь илүү тохиромжтой байдаг байна. Шингэн цэвэрлэгчийг гутлаасаа 15-20 см-ийн зайтай барьж байгаад шүршин, 30 минут орчмын дараа гутлаа өмсөх ёстой. Хамгийн гол нь тогтмол, болж өгвөл орой болгон цэвэрлэж байх хэрэгтэй. Илгэн гутлыг шингэн зүйлээс хол байлгах хэрэгтэй. Цай, кофе зэргийг асгасан тохиолдолд илэг халцардаг бөгөөд цэвэрлэх аргагүй. Тиймээс цас, бороотой үед өмсөхгүй байх хэрэгтэй. Эцэст нь хэлэхэд таны илгэн гутал хэдийнээ халцраад эхэлсэн бол хром болтол нь тослох ганц л арга бий

Хослон ургасан самар эд баялгийн бэлэгдэл

Хослон ургасан самар эд баялгийн бэлэгдэл: Таны мөнгө санхүүгийн байдалд салаалж ургасан хос самар чухал нөлөө үзүүлнэ. Хамгийн гол нь самар нэг нь нөгөөгөөсөө ургасан хосолсон самар байх ёстой. Хэрвээ та ийм самартай болж чадвал байнга өмсдөг хувцасныхаа халаасанд хийгээд биедээ дандаа авч явах ёстой. Самар нь тарни домын зан үйлд өргөнөөр хэрэглэгддэг ба эд хөрөнгө,элбэг хангалуун, өсч үржих, дэгжиж дээшлэхийн бэлэгдэл болдог.

Хавирган саранд мөнгөө харуул: Хавирган сартай үдэш гадаа гараад халаасанд дахь задгай мөнгөө шаржигнуулахад л хангалттай.Сар томрох тусам таны халаасан дахь мөнгө үржинэ. Эсвэл та түрүүвчиндээ байнга хадгалж явах зэс зоос олж ав. Тэгээд хавирган сартай шөнө алган дээрээ  зоосоо тавиад сарны гэрэл үзүүл. Энэ зоосоо түрүүвчиндээ хадгал, Шинэ хувцас авбал халаасанд нь энэ зоосоо хийж нэг хонуулаад, түрүүвчиндээ хий. Харин энэ зан үйлийг гүйцэтгэсний дараа “хэзээ миний мөнгө тань өсөх нь вэ” гэж хүлээх хэрэггүй, мартчих. Учир нь хүлээх тусам уддаг.

Мөнгөөр тасарахгүй байх: Уг зан үйл эртний кельтийн шүтлэгтэй холбоотой. Нүхтэй зоосон мөнгө буюу нугалж тахийлгасан зоосыг халаасандаа хийж явбал мөнгөөр  тасардаггүй. Ийм зоосийг олоход амаргүй ч тусгайлан бэлдэж болно. Заншил ёсоор ням гаригт, тэгэхдээ шинийн 4- 12-ны хооронд оройн 23.20-24.10 цагийн хооронд  зоосоо нүхэл, эсвэл бага зэрэг нугал. Энэ үед та анхаарлаа төвлөрүүлж, “мөнгө минь өсөн арвижиж, мөнгөөр хэзээ ч гачигдахгүй байх болтугай” гэж шившээрэй.

Сүм хийдэд очихдоо: Хэрвээ та засал ном хийлгэхээр сүм хийд рүү явбал баруун хөлийнхөө өсгий дор зоосон мөнгө хийгээрэй. Ингэсэн хүн мөнгөний асуудалд үргэлж аз хиймортой байна.

Эд хөрөнгийг өөртөө хэрхэн татах вэ?: Маш богино хугацаанд баяжихын тулд оросууд маш энгийн зан үйлийг хийдэг. Тэд пүрэв гаригт нүүр гараа угаахдаа алтан буюу мөнгөн сав суулганд ус хийж угаадаг.

Бусдаас мөнгө зээлдэхийг хүсвэл...: Хэрвээ та хэн нэгнээс мөнгө зээлдэх гэж байгаа бол халаасандаа гүзээлзгэний навч, ишийг хийгээд очвол хэн ч танд татгалзахгүй. Гүзээлзгэний навч, иш нь хатсан байж болно.

Түрүүвчээ хоослох нь ядуурахын  цондон:
Хэрвээ таны мөнгө дуусч байвал сүүлчийн мөнгөөрөө юм бүү ав, түрүүвчээ бүү хоосол.Эс тэгвэл мөд мөнгөтэй болохгүй. Та өөрт хэрэгтэй зүйлээ авахдаа харамч нарийн хүнээс бүү аваарай, гай болно шүү. Харамч эсэхийг нь мэдье гэвэл барааны үнийг хямдруулах гээд үз.

Толь мөнгийг бэлгэддэг: Толинд мөнгийг бэлгэдэх чанар бас буй. Толийг гал тогооны өрөөнд, эсвэл зочны өрөөнд ширээний хажууд өлгөвөл эд баялаг, мөнгө хөрөнгийг гэрт даллан авчирдаг.

Мөнгөн зоос: Усанд орохдоо тоссон усандаа мөнгөн зоос хийж орвол сайн гэнэ. Ингэж усанд орох нь ирээдүйд заавал мөнгөтэй болгодог байна. Пүрэв гаригт энэхүү зан үйлийг хийдэг. Та усанд орохын өмнө тоссон усныхаа өмнө зогсоод түүнийг анхааралтай ширт. Дотор нь бөөн мөнгө байна, ус мөнгийг хандалж, мөнгөтэй энергийг өөртөө шингээж авч байна гэж төсөөл. Дараа нь усанд орж зогсоод мөнгөний энергийг таны биеийн энерги шингээн авч байна гэж төсөөлөхтүн.

Мөнгөний ид шид ба түрийвч: Хямд түрийвч бүү ав. Хямд түрийвч өөрөө ядуугийн энергитэй тул том дэвсгэрт тэр түрийвчинд тогтохгүй. Маш үнэтэй биш гэхэд боломжийн үнэтэй, мөнгийг том бага дэвсгэртүүдээр нь ялгаж хийх халаастай байх ёстой. Хэрвээ та түрийвчээ үнэтэй авсан бол энэ мөнгө танд нэн удахгүй эргэж ирнэ. Тэр бүү хэл хэд дахин нэмэгдэж ирнэ. Материал нэг их чухал биш ч хиймэл гялгар материал огт таарахгүй. Ийм материал ямар ч энергигүй хиймэл учир байгалийн жинхэнэ энерги нэвтрүүлдэггүй. Түрийвчинд тохирох хамгийн сайн материал бол арьс, илэг юм. Мөн даавуун материалтай түрийвч байж болно. Газрын болон материалын өнгөнүүд буюу хүрэн, хар, шар болон шар өнгөний бүх дагавар өнгө, түүнчлэн алтлаг өнгийг сонго. Түрийвчнээс мөнгөний энерги гарахгүй байгаасай гэвэл задгай мөнгө хийдэг буюу эсвэл аль нэг халаасанд нь задлахааргүй томхон зоосон мөнгө хийгээрэй. Улирлын онцлогоос хамаарч шүүгээнд өлгөсөн хувцаснуудынхаа халаасанд бага ч гэсэн мөнгө хийгээрэй. Бас мөнгө уранхай халаас, тасархай товчинд дургүй шүү. Түрийвчээ хэзээ ч битгий хоосон байлгаарай. Ядахдаа л хэдхэн мөнгө ч болтугай байж байг. Түрийвчин дэх бүх мөнгө чинь эзэн рүүгээ нүүрэн талаараа харж байх хэрэгтэй. Хамгийн жижиг хэсэгт нь гурвалжилж нугалсан нэг долларын дэвсгэртийг хийж хадгалаарай. Мөн таны түрийвчинд “азын мөнгө” заавал байх хэрэгтэй (анхны цалин, сайн хүнээс авсан мөнгө, амжилттай гэрээ хэлэлцээрийн мөнгө г.м.). Энэ мөнгийг хэзээ ч үрж болохгүй, учир нь энэ бол таны азын сахиус. Хэрвээ үрвэл мөнгө танд гомдож таны гар луу эргэж ирэхгүй. Тоглоомонд хожсон, шударга бус аргаар олсон, газраас олсон, бэлгэнд авсан зэрэг мөнгө нь аз жаргалыг авчирдаггүй бөгөөд, таны түрийвчинд байх ёсгүй. Тэднийг хэрэгтэй байгаа хүнд нь өг, эсвэл нэн даруй үрэгтүн.

    Танд орж буй орлого 10 000 төгрөг чбай, тэрбум төгрөг ч бай ирэх бүрдээ том жижиг биетэй ирдэг. Тухайн орлогоос Тархийг нь авч өөртөө үлдээж байвал нэн сайн. Та өөртөө мөнгөний тархи оюуныг өөртөө хадгалсан бол биеийг нь буюу бүгдийг нь үрсэн ч болно. Үүнд санаа зовох хэрэггүй. Танд цуглан хадгалагдсан мөнгөний тархины биеийн хэмжээгээр мөнгө танийг хүрээлэх болно. Хүнд зээлсэн мөнгийг нь өгөхдөө тархийг нь заавал авч, нийт мөнгийг шууд өгөлгүй ядаж нэгээс доошгүй хонуулж бай.
    Мөнгө олсон бол гэртээ доод тал нь гурав хонуул. Орсон орлого бүрийнхээ 20%-ийг юунд ч үрэхгүй хадгал. Өр зээл авсан бол заавал төлж дуусга. Хэрвээ хуучин ондоо өр зээлээ төлж чадахааргүй, мөн болоцоогүй бол хаана ямар газар, ямар хүнд өртэйгөө цаасан дээр тодорхой бичээд, битүүний орой төлж байгаагаар бичээд, бурханыхаа өмнө тэр цаасаа тавьж 3 хонуул.
    Нар жаргасны дараа мөнгөө тоолбол мөнгө тогтдоггүй, харин өглөө тоолж байгаарай. Нар жаргаснаас хойш эд хөрөнгө, мөнгөө гадагш гаргаж болохгүй. Орой үдэш хогоо хаявал ядуурч хоосроно.
    Машин байр хонь малаа зарах гэж байгаа бол ногт, цулбуур, хадаг, сахиусаа заавал авч бай хэрэгтэй. Авалгүй хамт өгөөд явуулбал буянаа өгнө гэсэн үг.
    Хумсаа зөвхөн мягмар, баасан гарагт авч бай. Ингэснээрээ та гэртээ мөнгө дуудах болно. Мөнгөөр тасрахгүй байя гэвэл сарын шинэдээр ба эсвэл арван тавны сартай байхад хумсаа авч байгаарай.
    Олуул наргиж суухдаа ширээн дээр хоосон лонх битгий үлдээж бай. Лонхонд хэрвээ юм үлдсэн бол хичнээн хайран байсан ч заавал асгаж байх хэрэгтэй шүү
    Нар жаргаснаас хойш гэрээ бүү цэвэрлэ. Ялангуяа шал шүүрдэх маш аюултай. Элбэг хангалуун байдлаа шүүрдээд хаячихна гэсэн үг. Шалаа орй угаавал хөрөнгөө угаана гэсэн үг. Нар жаргаснаас хойш гэрээсээ юу ч битгий гаргаж бай. Шалаа үүднээсээ эхэлж угаавал аз жаргалгүй болно
    Ширээн дээр мөнгө тавихгүй байхыг хичээгээрэй. Ширээний бүтээлгэн доор жаахан мөнгө хийхэд гэрт дандаа мөнгөтэй байхаас гадна хулгай орж, гарлага гарахгүй.
    Зээлж авсан мөнгийг авснаасаа бага мөнгөн тэмдэгтээр өгдөг. Мөнгийг зүүн гараараа авч баруун гараараа өгдөг. Мөнгө өөрөөс чинь зугтаад явчихгүйн тулд гуйлга гуйсан хүнд мөнгө өгөхдөө ямар ч тохиолдолд уг хүний нүд рүү бүү хараарай
    Хэрвээ түрийвчинд чинь дутагдаж гачигдахыг мэдэхгүйгээр амьдрахад хангалттай мөнгө байгаа бол уруулдаа нааж *тэнгэрийн од, далайн ус, эсний ширхэг шиг маш олон, тоолж баршгүй болох болтугай* гэж гурван удаа шившээрэй. Мөнгө зээлж байхдаа аз авчирч, хурдан эргүүлж өгөх юмсан гэж дотроо залбираарай
    Нар жаргах үед бусдад бүү мөнгө зээлдүүл. Харин өөрөө зээлдэж авах бол үдээс өмнө үүнийг хийгээрэй. Ням гарагт бусдад мөнгө бүү зээлдүүл Танд эргүүлж өгөхгүй гэж мэдээрэй. Даваа гаригт санхүү, мөнгөтэй холбоотой үйлдэл бүү хий. Бүхэл бүтэн 7 хоногийн турш мөнгөө гадагш өгөх хэрэг гарна. Энэ өдөр бусдад мөнгө зээлүүлэх, бусдад өрөө төлөх юм бол мөнгө орж ирэхгүй гэж үздэг. Мөн даваа гаригт хүнээс битгий мөнгө зээлээрэй. Мягмар гаригт битгий хүнд мөнгө зээлдүүлээрэй. Баасан гаригт өрөө битгий төлөөрэй.
    Таны ажиллаж байж олсон мөнгө танай гэрт тогтоосой гэж хүсч байгаа бол орлого олсон өдрөө нэг ч төгрөг үрэлгүй гэртээ нэг хонуулах хэрэгтэй. Хөршдөө талх, давс зээлдүүлж болохгүй, учир нь хангалуун байдал танай гэрийг орхиж, өөр гэр бүл рүү очно.

Нүүрээ гоё болгох дасгал
Зарим бүсгүй нүүрээрээ их махлаг харагддаг, үүнийг засах арга бий. Нүүрний гимнастик тогтмол хийвэл царайны төрх засрахын зэрэгцээ турсны дараа арьс унжийж үрчихгүй.

Эдгээр дасгалыг хийхэд хэдхэн өдрийн дараа үр дүн нь анзаарагдах болно.


-Уруулаа аль болох урагш сунган булчингуудаа чангалж И, А, У гэсэн үсгүүдийг хэл.

-Амаа том ангайж, хэлээ эргүүлж хуйлахыг оролд.

-Хоёр хацраа ээлжлэн дотогшоо сор.

-Амныхаа нэг талаар инээмсэглэх гэж оролд (дээш доош болгох маягаар), дараа нь нөгөө талыг мөн адил. Махлаг, зузаан хацартай хүмүүст энэ дасгал их тустай.

-Тэгш суугаад хүзүүгээ сунган дээш тааз руу харна. Энэ байдалд толгойгоо эргүүлэн баруун мөрний дээд талыг харах гэж оролдоно. Толгойгоо урагш эргүүлэн эрүүгээ баруун мөрөнд хүргэхийг хичээ. Дараа нь эдгээр дасгалыг нөгөө талд давтан хийнэ.
Айраг буюу гишүүнэ байхад юунаас ч айлтгүй боллоо

Анагаах ухааны хамгийн сүүлийн үеийн гайхалтай нээлтийг хүргэж байна.

Энэ бол Монголын маань хаа сайгүй ургадаг нөгөө айрагтай төстэй амттай гишүүнэ гэдэг ургамал юм.

1. Энэхүү ургамал нь хавдрын эсийн гол амьд байх нөхцөл болсон сахрыг нь идэж устгадаг бөгөөд түүнийг хэрэглээд 4 хоногийн дараа хавдрын эсийн 86%, 6 хоногийн дараа 100% устгадаг нь тогтоогдсон байна.

Хэрэв та хавдрын эсрэг хэрэглэх бол 20 минут жигнэх нь хавдрын эсийг устгагч полифенол гэгч бодисын үйлчилгээг хэд дахин ихэсгэдгийг Английн эрдэмтэд тогтоосон байна.

2. Мөн үрэвслийн эсрэг, нянгийн эсрэг гайхалтай нөлөөг үзүүлдэг байна.

3. Кальци, зүрх бөөрийг тэтгэгч кали, К амин дэмээр баялаг бөгөөд ясны бат бэх чанарыг нэмэгдүүлэгч шидтэй учраас манайх шиг газтай ундаа их уудаг хүмүүст тун ч чухал эм болдог ургамал ажээ.

4. Чихрийн шижин өвчтэй хүмүүсийн инсулиний гүйцэтгэх үүргийг орлодог учраас глюкозыг бидний эс рүү зөөвөрлөх үйл ажиллагааг эрс нэмэгдүүлж, цусны урсгалд гацаалгүйгээр оронд нь түлш болгон хувиргадаг байна.

5. Зүрх судасны өвчинг анагаадаг шалтгаан нь холестрин үүсэхээс хамгаалж, судсан дахь эсийн ханыг эрүүлжүүлдэг.

6. Ходоодны шарх болон өтгөн хаталтыг эмчилж туулгах нөлөө үзүүлдэг.

7. Харшилд тун сайн эм болдог юм байна.

Харин эмчилгээний хугацаа 7 хоног л байх ёстой гэнэ. Үүнээс хэтэрч болохгүй гэжээ. Аливаа юм тун нь таарвал эм болдогтой адил. Гишүүнийг эмчилгээний журмаар хэрэглэдэг дэлхий нийтийн арга нь хагас цайны халбага хатааж нунтагласан ишийг 1 аяга усанд хийж 10 минут буцалгаад ууна. Энэ маягаар өдөрт 3 удаа хэрэглэнэ. /7 хоног-т/.

(Нийт: 472)